københavn
Aatsitassarsiornissamut innuttaasunik peqataatitsineq pillugu aaqqissuussineq
Kalaallit Nunaanni innuttaasunik peqataatitsineq pillugu piviusulersaaruti Kalaallit Illuutaanni Københavnimi takutinneqassaaq. Taanna pereerpat oqallittoqassaaq
Aatsitassarsiornissamut innuttaasunik peqataatitsineq pillugu piviusulersaarut Kalaallit Illuutaanni Københavnimiittumi takutinneqaqqaassaaq.
Aaqqissuisuusut Aqago, ICC Greenland aamma WWF Verdensnaturfonden nalunaaruteqarput. Kalaallit Nunaata siunissaa qanoq isikkoqassanersoq pillugu innuttaasut peqataatinneqartarnissaasa pingaaruteqassusaa, ingammik aatsitassarsiorneq eqqarsaatigalugu, pingaaruteqariartuinnalertoq oqaatigineqarpoq.
Kalaallit Nunaanni innuttaasunik peqataatitsineq pillugu KNR marsimi aallakaatitsivoq. Piviusulersaarusiaq Danmarkimi takutinneqaqqaartussanngorpoq tassa Kalaallit Illuutaanni Københavnimiittumi.
Innuttaasunik peqataatitsisarneq siunissami pitsaanerulissanersoq piviusulersaarusiaq takutinneqareerpat eqqartorneqassaaq.
Aaqqissuussineq ullumi pingasunngornermi nalunaaqutaq 16.00 aallartissaaq.