nikkeli
Aatsitassarsiornermik ingerlatsiviup annertuumik nassaarnissaq takorloorpaa
Canadami aatsitassarsiornermik ingerlataqartup North American Nickelip Maniitsup eqqaani suliffeqarfiup akuersissuteqarfimmini annertuumik qillerinini annertusiniarpaa
North American Nickel Maniitsupeqqaani sumiiffimmi 15 x 75 kilometerinik isorartutigisumi akuersissuteqarfeqarpoq. Nunatsinni misissussallugu akuersissuteqarfigineqartuni annersaavoq, tamannali naammanngilaq, siulersuisuni siulittaasoq Mark Fedikow oqarpoq.
Suliffeqarfiummi 2016-imi akuersissuteqarfimmi allinissaa qinnutigilersaarpaa.
Nunarsuarmi anginerit ilagigaat
- Maniitsup eqqani nikkileqarnerujussua tupaallaatigiuartartarput, naak aallaqqaam- mulli ilisimagaluarlutigu sumiiffik periarfis- saqarluartoq. Ukioq manna misissuinerup inernerannit ilimasuttuarpugut nunnga- rummik anigaasatigut akilersinnaasumik nassaarnissarput periarfissaqarluartoq, oqarpoq.
Suliffeqarfik misissuinermini 30-nik qillerisimavoq imaluunniit 5.655 meterinik angusallu kajungernerulersitsipput.
- Aappaagu saffiugassatut akuersissuteqarfigisavut amerliniarlugit qinnuteqassaagut. Isumaqarpugut Maniitsumi suliniut nikkelimik, sulfidimik saffiugassanillu allanik piiassallugit aningaasatigut akilersinnaasunik imaqarsinnaasoq. Maniitsup eqqaani suliniuterput nunarsuarmi nikkelimik ujaasinerit annerit ilagaat immaqalu annersaalluni, taamaalilluni Kalaallit Nunaat Kalaallillu Nunaanni aatsitassarsiorneq pitsaasumik soqutigineqalerluni, Mark Fedikow nangilluni oqarpoq.
Ujaasinermiangusat SiumumiIA-milu nuannaarutigineqarput.
Allaaserineqartoq tamaat aviisimi Sermitsiami tamaat atuarneqarsinnaavoq. Aviisi ataani pisiariuk: