Atuagassiaq
Aatsitassarsiorneq pillugu atuagassiaq saqqummerpoq
Kuultisiornerup nakkariartornera, uran pillugu naaggaarluinnarnerup atorunnaarsinneqarnera kiisalu savimminiliorfissaq pillugu Greenland Oil and Mineralsimi atuarneqarsinnaapput
Aatsitassarsiorneq pillugit neriuuteqarneq ernumanerlu aatsaat taama Kalaallit Nunaanni soqutigineqartigipput.
Piffissarmi inuuffipput maannakkut pissanganartuuvoq.
Uranimut naaggaalluinnarneq atorunnaarsinneqarpoq, uranitalinnillu aatsitassarsiornissaq qanilliallappoq. Tuluit aatsitassarsiorfiat Nuup isuani savimminiliorfissamik aallartitsiniarluni soqutiginnippoq, aallartissinnaassappulli aatsaat milliardilikkaanik tapiisussanik nassaassagunik.
Naak Kalaallit Nunaata aatsitassai soqutigineqaraluartut aningaasaqarneq nalorninartumik ingerlavoq. Aningaasarsiornikkut ajornartorsiornera pissutaalluni aningaasaleeqataajumasut amerlanngillat, aatsitassarsiorfimmimmi aallartitsinissaq akisoorujussuummat.
Aningaasarsiornikkut ajornartorsiortoqarnera kuultisiorfimmi Nanortallip eqqaani malugineqarpoq. Tassami matuinnartariaqarsimavoq. Tamakku tamarmik pillugit Greenland Oil and Mineralsimi tuluttuinnaq allaqqasumi atuarneqarsinnaapput. Atuagassiaq qulingiluassaa saqqummerpoq.
Ataani akeqanngitsumik aaneqarsinnaavoq:
http://aviisi.sermitsiaq.ag/2014/01/06/oil_2014_02/