aatsitassat
Aatsitassarsiorfissarsiorneq suli kigaallaqqavoq
Ukiut pingasut ingerlanerinnaani suliffeqarfiit aatsitassarsiortut Nunatsinnut soqutiginnittut affaat sinnerujussuarlugit ikileriarput
Juulip aallaqqaataa 2016 aallarnerfigalugu ingerlatseqatigiiffiit 27-t assigiinngitsut misissuinissamik akuersissutini 62-ini, nunamik 18.000 kvardratkilometerimik annertussusilimmi aatsitassarsiorfissanik ujarlerput.
Ukiut pingasuinnaat matuma siorna akuersissutit 76-iupput 48.000 kvadratkilometerimullu tunngallutik.
Qulaani taakkartorneqartut maani aatsitassarsiornerup ineriartorneranut assersuutaapput, taakku Ole Christiansenip Sermitsiami saqqummertumi isornartorsiuisumik ilanngutassiinerani saqqummerput.
Nuna niuernerup killinganiittoq
Nunamineralsimi pisortaasimasoq nassuiaataasinnaasumik peqarpoq.
- Nunarput frontier-landitut annertuumillu aningaasartuuteqarfiusutut nunanut aatsitassarsiorfittut nalinginnaa- sunut sanilliulluni sakkortunerusumik eqqugaavoq. Suliffeqarfiit ukiut tallimat matuma siorna nunatsinni ingerlatsisut nunanut allanut maanna saattut takuavut, Ole Christiansen allappoq.
Taassuma tikkuarpaa, maanna isumalluarnerit annikillisikkallartariaqartut.
- Suliffeqarfippassuit nittartakkakkut quppernerannik misissuinerup nunatsinni annertuunik aatsitassarsiornernik ingerlatanik ilimasussannginnerput ersersippaa. Aatsitassat akii taamak appasitsigitillugit, aatsitassarsiorfinnit annertuunik ilimasussanngilagut.
Ole Christiansenip ilanngussaata sinnera Sermitsiami nutaami, ullumi saqqummertumi atuaruk