Aatsitassarsiorfiit aningaasassaaleqipput
Sapaatip akunnera aatsitassarsiorfiit aktiaannut pitsaasuusimanngilaq. Nunarsuarmi tamarmi selskabit aatsitassanik saviminissamillu ingerlatsisut nalingat appariarput, taamatut allappoq Politiken
Aatsitassarsiorfiit ajornartorsiutigaat nunarsuarmi aningaasarsiornerup ingerlalluariartoqqilernera neriuutigineqartumit kigaannerusumik ingerlammat. Piffissami kingullermi pingaartumik Kinami kisitsisit pingaarnerit pakatsisitsipput, kinamiullu aningaasaliisut pisiortortartullu aatsitassarsiorneq ingerlataraat.
Tassa imaappoq, suliniutit unitsinneqarput, Canadami Australiamilu piiaaffinnik matusisoqarpoq. Sammisaqarfimmi selskabit anginerpaat 40-t 2012-iinnarmi 250 milliarder koruuninik nalikilliliisimapput, tamanna siunnersuinermik selskabip PwC-p juunimi nalunaarusiaani takuneqarsinnaavoq. Tamatumalu kinguneranik suliniutinut nutaanut aningaasaleerusussuseqarneq appariarpoq.
Taamatut allappoq Politiken.
Tamanna pingaartumik Kalaallit Nunaannut pitsaasuunngilaq piiaaffinnit nutaanit aningaasarsiorniartumut, aviisi allappoq, eqqaallugulu Naalakkersuisut aningaasanut inatsisissatut siunnersuutaat amigartoorutilik.
Politiken-imi allaaserisaq tamaat atuaruk uani