aatsitassarsiorneq
Aatsitassarsioqatigiiffik: Kalaallit Nunaat soqutiginaateqarpoq
Kalaallit Nunaat aatsitassarsiorfittut sumut ikaarsaariartorpa?
'Ataavartumik aatsitassarsiorneq' Kalaallit Nunaata aatsitassarsiorfiit saqqummersitsineranni Pdac-imi taaneqartumi peqataanermini pingaartillugu qulequtaraa.
Sulisitsisut Peqatigiiffiata aaqqissugaanik Kalaallit Nunaanni aatsitassarsiorfiusinnaasunik saqqummiussisoqarpoq: True North Gems (Qeqertarsuatsiaat eqqaani rubinisiorneq) North American Nickel (Maniitsup eqqaani nikkelimik piiaaffik) Hudson Ressources (Kangerlussuup eqqaani White Mountain) GME (aatsitassat qaqutigoortut Narsap eqqaani) Tanbreez (Nunatta kujataani aatsitassanik qaqutigoortunik piiaaneq) Greenland Ressources (Nuup eqqaani kuultisiorneq).
Pilersaarutit piviusunngortinneqarnissaat
Aatsitassarsionermi suliniartut oqartussaasullu suleqatigiinnerat naammagisimaarneqarpoq. Pilersaarutit ukiuni arlaqartuni suliarineqarput, taamaattumik aatsitassarsiotoqalernissaa piviusunngoriartulerpoq. Pilersaarutimmi piviusunngortinneqassapput.
Flemming Knudsen (Hudson Ressources) aamma Ironbark (Citronfjorden) piiaanissamut qinnuteqaateqarnissamut sulinerat ingerlalluarpoq. Kisianni suli qinnuteqaateqanngillat. Greg Barnes (Tanbreez) ilisimatitsivoq piiaanissamut qinnuteqareersimallutik.
Suleqatigiinneq
- Kalaallit Nunaanni aatsitassanik siunissami piiaasoqarnissaa soqutiginaateqartuuvoq, aatsitassarsioqatigiiffiit ilaat taamatut oqariartuuteqartareerput.
Aaqqissuussami sapaatiummat ingerlanneqartumi oqaatigineqarpoq Danmarki Kalaallit Nunaatalu suleqatigineqarnissaat soqutiginaateqartuusoq.
Kalaallit Nunaanni aatsitassanik piiaasoqarnissaanut aningaasaliisoqarnissaa aningaasaliisartunit Venture Northimit aamma soqutiginartutut isigineqarpoq. Danmarkimut attuumassuteqartoqarnera pissutaalluni aningaasaliisoqarsinnaanera periarfissaasutut isigineqarpoq. Taamaattumik danskit aningaasaateqarfiisa aningaasaliissuteqarnissaannut siunnersuisoqarpoq. Nunani avannarliunerusuni Europamilu aamma aningaasaateqarfiit periarfissanik misissuisariaqartut aamma siunnersuutigineqarpoq.
Arctic Business Networkip aamma Sermitsiaq.AG-illu suleqatigiinneratigut allaaserineqartoq ilanngunneqarpoq. Arctic Business Network annersunerusumik uani atuaruk