Aatsitassaqarnermut nalunaarusiaq ersarissaanerussaaq

ICC Greenland kiisalu Verdensnaturfonden WWF kalaallit nunaanni aatsitassiornikkut oqaluttuassartaa saqqummiuppaat.

Eskimologip Mads Fægteborgip allataa suliniaqatigiiffiit suleqatigiinneranni suleqataavoq, Villum Fondenimillu taperneqarluni.

Aatsitassarsiornikkut oqaluttuarisaanermi suut ajornartorsiutigineqartarsimanersut ersersinniarneqarpoq, kiisalu maannakkumut aalajangiunneqartartut kalaallinut Kalaallit Nunaannullu pitsaasumik kinguneqarumaartut anguniarneqarluni.

Akisussaaffimmik tigusisoqartariaqarpoq

Inuiaqatigiit peqqissuussappata ICC WWF-ilu isumaqarput aningaasaqarnikkut ingerlatsilluartoqassasoq, tassani inuiaqatigiit, peqqinnissaq, avatangiisit, kulturikkut ingerlatsineq kiisalu assigisaat peqataatinneqartariaqartut.

Mads Fægteborgip nalunaarusiaani ilaatigut atuarneqarsinnaavoq suut misilittagarineqarnersut suullu ajornartorsiutit anigorneqarsimanersut. Tassani pinngortitami piiaasoqarnerani eqqorneqartut, sunniutigineqartut kiisalu piiaasoqarsimanerup inuiaqatigiinni kinguneri sammineqarlutik.

Nalunaarusiami aamma ilanngunneqarpoq politikkerit akisussaaffeqartut annertuumik, tassani pitsaasumik nungusaataanngitsumillu Kalaallit Nunaannut sunniuteqarnissaa pingaartinneqarpoq, kiisalu nunarsuarmioqataasut inissisimanerat aamma ersarissarneqarluni.

Nalunaarusiaq tallimanngorlugu suliarineqarpoq, kingullermik 'Inuiaqatigiit peqataasillugit?' suliarineqarluni, tassani ukiuni kingullerni qulini aatsitassarsiornerit kiisalu inuiaqatigiit peqataatinneqarnerat sammineqarluni.

Nalunaarusiaq taaguuteqarpoq 'Kalaallit Nunaanni aatsitassarsiornerit - oqaluttuarisaanermi pisimasut itisiliinerillu, kiisalu atorluaanerup kinguneri pinngortitarlu eqqotiasoq, inuiaqatigiillu allanngoriartortut' uanilu aaneqarsinnaavoq. (Nalunaarusiaq qallunaaruinnaq allaqqavoq)