aatsitassat

Aatsitassanut suliniutinut aningaasaliissussat nutaat

Aatsitassanut suliniutinut aningaasaliisussatut periarfissat Københavnimi Kalaallit Nunaat pillugu ataatsimiittoqarnerani saqqummiunneqarput

Aatsitassanut piiaaffissatut pilersaarutit aningaasaliissutit naammannginneri pissutigalugit piviusunngortikkuminaattut paasinarsereerpoq.

Aatsitassallu pillguit ataatsimiittoqarnerani Grønlands Erhverv og Dansk Industrimit aaqqissuunneqartumit aningaasaliisussanik nutaamik periarfiarfissat suliniutit piviusunngortinnissaannut saqqummiisoqarpoq.

Atuaruk: Kalaallit aatsitassaataannut soqutiginninneq annertooq

Danmarkimit Nunani avannarlernit Europamiillu

Aningaasaateqarfik Vækstfonden og Eksport Kredit Fonden Danmarkimiittoq aningaasaliinissaanut periarfissaqarpoq. Nordiske Investeringsbank aamma EU-llu Europæiske Investeringsbank (EIB) soqutiginnittoq aamma paasinarsivoq.

Hudson Ressourcesinut atukkiineq

EIB 14 millioner Euronik Hudson Ressourcesisimut, Kangerlussuup ungasinngisaani piiaaffik anorhositimi aatsitassamik piaassalluni pilersaarutilik, atukkiisinnaavoq.

- Kalaallit Nunaanni aatsitassanik piaaffiliornissatsinnut pilersaarutitsinnut akuliunnerat toqqissinarlunilu tatiginnilersitsivoq. Piiaaffimmi glasfiberinut, qalipaatinut polumerinillu atortussiornermut atugassanik piaassalluta pilersaarutigaarput, Hudson Ressourcesimi pisortaq James Tuer aprilimi anigaasanik atorsinnaanermut isumaqatigiissusiortoqarmat oqarpoq.

Atuaruk: Akuersissutit sukkanerusumik suliareqquneqarput

Kalaallit Nunaat salliunneqartoq

EIB Danmarkimi immikkoorttoqarfeqalernikuuvoq.

- Suliniummut atatillugu Kalaallit Nunaanni immikkoortoqarfeqalissasugut danskit oqartussaat siunnersuipput, EIB-p Danmarkimi immikkoortortaqarfiani pisortaq Stephen Hart ataatsimiinnermi oqarpoq.

Pilersaaruterpassuit

EIB EU-mi aningaasanik atukkiisartut annersaat ilagaat. EU-llu iluani ineriartornermi tapersersuisussatut inissisimalluni. Nunanilu avannarlerniittut aningaasanik atukkerneqarsinnaanerat aamma periarfissaalluni. Taamaasilluni Kalaallit Nunaanni suliniutit taperserneqarsinnaallutik.

EU aamma issittumi pilersaarummini nunani avannarlerni peqataanerulissalluni aaliangeeqqammerpoq

- Kalaallit Nunaanni suliniutinut aningaasaliisoqarnissaanut periarfissaqalertoq tamanna isumaqarpoq, Stephen Hart nassuiaavoq.
Ineriartortitsinermi EIB siunertaqarmat nunap iluani ataqatigiissaarinermut aningaasaliisarnissaa periarfissaqarneruvoq aatsitassanut piaaffinninngaanniit.

Hudson Ressourcesimulli aningaasaliinerata takutippaa periarfissaq mattusimaneqanngitsoq. Aningaasaateqarfimmi pilersaaruterpassuaqarpoq assigiinngitsunik, soorlu nukissiornikkut sunniuteqarluartunik suliniutit silallu pissusianut sunniuteqartunik suliniutinut. Taama aningaasaleeriaaseqartoqartillugu Kalaallit Nunanni suliniutut assigiinngitsut aningaasaliiffigineqarnissai periarfissaqarluarput.

- Periarfissarpassuit suli misilerarneqanngillat, Stephen Hart oqarpoq.

Industriens Husimi ataatsimiisitsineq Arctic Cluster for Raw Materialsimit aaqqissuunneqarpoq. Taassuma Sulisitsisut peqatigiiffiat, Dansk Industri Danmarks Tekniske Universitetilu suleqatigai.

Powered by Labrador CMS