Kuannersuit
Aatsitassalerinermi oqartussat GME-mit paasissutissanik amerlanerusunik perusupput
Kuannersuarmi suliniummut avatangiisinut nalilersuut akuerineqartinnagu aatsitassanut oqartussaq GME-mit paasissutissanik amerlanernik piumasaqarpoq.
Ullumi GME-p avatagiisinut nalunaarusiaq (VVM) Namminersornerullutik Oqartussanut utertimmassuk, avatagiisinik suliniaqatigiiffinnit arlalinnit nalunaarusiaq sakkortuumik isornartorsiorneqarpoq.
Atuaruk: Isertortumik uranisiornermut nalunaarusiaq saqqummiunneqarpoq
Avatagiisinut sulianiaqatigiiffiit VVM-mimik nalunaarusiarineqarsimasoq tigusimasaat tamakkiisuunngitsoq oqaatigineqarpoq.
Piiaavissami misissuineq
Nalunaarusiarlu akueritinnagu aatsitassalerinermik oqartussat paasissutissanik sukumiinerusunik pissarseqqaarusuttut AG allaaserinnippoq.
Atuaruk: GME-p qinnuteqaataa sivitsortoq
Apeqqutilliisoqarsimaneratalu kingorna Namminersornerullutik Oqartussat Sermitsiaq.AG-mut suliaq suli ingerlasoq paasissutissiaraat. VVM-mimillu nalunaarusiaq misissorneqartoq aatsitassarsioqatigiiffimmulli paasissutissanik nutaanik piumasaqarsimallutik.
GME-p paasissutissat qanoq pissarsiarineqassanersut nammineq aalajangissavaat, uangulli tungitsinniik piiavissami misissuisoqarnissaa avaqqunneqarsinnaanngissoraarput.
Atuaruk: Marraap radioaktiviusup sisunissaa ilisimasallip ernummatigaa
Suleriaaseq naliginnaavoq
Nalunaarusiamut VVM-imumut ilassutissanik Namminersorlutik Oqartussat piumasaqarnerat piiaanissamut qinnuteqaasiornermi naliginnaavoq.
Avatangiisit qanoq sunnerneqarnissaannik inuiaqatigiillu qanoq sunnerneqarnissaannik nalilersuinerit, naalisarlugit VVM aamma VSB-ip paasissutissat pisariaqartut tamaasa imarippagit piiaanissamut qinnuteqaat tusarniaassutigineqarluni aallartinneqassaaq.