namminersorneq
Aatsaat ukioq 2321-mi kiffaanngissuseqalissaagut?
Namminiilivinnissamik siunnerfeqarnermik sulineq sukkanerusariaqarpoq. Aamma tikisitat Nunatta siunissaa ilusilersorunnaassavaat, ammaalluni oqalugiaat pillugu oqallinnermi taama oqartoqarpoq
Ukiakkut ataatsimiinnerup aallartinneranit minutsit arlaqanngitsut qaangiutiinnartut, oqallinneq Nunatta namminiilivinnissaanik oqallinnermut sangutinneqarpoq.
Danmarkimit avissaarnissaq sukkanerusumik sulissutigineqartariaqartoq Partii Naleraq isumaqarpoq.
Sulineq aallartissaaq
- Nunasiaateqarnerup qilerutai 2021-mi 300-nngortorsiussapput. Kinguaassatta suli ukiuni 300-ni utaqqinissaat kia kissaatigaa? Kinguaassatta ukioq 2321 utaqqisariaqassavaat? Partii Naleqqamit tamanna kissaatiginngilluinnarparput! Maanna assamminniarta Nunattalu namminiilivinnissaa suliaralugu.
- Sinittutut pissuseqarnitsinnit iterniarta sulinerpullu ingerlateqqillugu, partiip siulittaasua Hans Enoksen oqarpoq.
Danmarkimit tikisitat inuiaqatigiit aaqqissuussaanerannut sunniuteqarpallaarnerujussuat, Enoksenip ilaatigut ajornartorsiutaanerarpaa.
Inuiaqatigiinni ineriartorneq
- Ineriartorneq ilumut oqaatigissagaanni attanneqarsinnaanngilaq. Nunarput tikisitanit ilusilersorneqartuarpoq.
- Namminerli pisinnaatitaaffitsinnit anillalluta innuttaasut kissaataat naapertorlugit ineriartornermik pilersitsisariaqarpugut. Aperilanga: Nunarsuarmi allamik nunaqarpa innuttaasut isiginnaartuliullugit avataanit tikisitat namminneq kissaatitik kajumissusertillu naapertorlugit nunamik ilusilersuisorineqarnerannik?
Atuaruk: Hammond: Isumaqatigiissutip Kalaallit Nunaat namminersulivitsissavaa
Allaaserisaq tamaat AG-mi uani sapaatip akunneraneersumit atuaruk, uani aamma pisiarisinnaavat: