Aasianni Oddserluni 1 million koruuningajammik eqquisoq

Aasianni oddsertartoq akunnerup naanerani eqquerujussuarpoq, tassami 920.014 koruuninik eqquivoq. 50 koruuneereernermi taakku eqqorpai.

Eqqoriagaata oddsitaa 18.400,28-uvoq, Aasiaallu Pisiffiani eqqoriakkani pisiaralugu. Tassami oddsertartup unammisut ajugaasussatut naatsorsuutigineqartut ajorsartillugit misilissimavai.

Tassami tupaallatitsisoqarujussuarpoq Premier Leaguemi arfininngormat. West Ham United Anfield Roadimi ajugaapput, kiisalu Crystal Palace Stamford Bridgemi ajugaallutik.

Ajugaasup eqquissutai:

• Liverpool – West Ham 2 odds 9,35
• Aston Villa – Sunderland X odds 3,30
• Manchester City – Watford 1 odds 1,18
• Chelsea – Crystal Palace 2 odds 9,20
• Stoke – West Bromwich 2 odds 4,30
• Bournemouth – Leicester X odds 3,65
• Tottenham – Everton X odds 3,50

Oddsitaa: 18.400,28
Akiliut: 50 kroner
Eqqugaq: 920.014 kroner