ajunaarneq

Aasianni ipilluni ajunaartoqarsimanera sullivinnik nakkutilliisoqarfiup misissuiffiginiaraa

Nakkutilliisoqarfiup raajaleriffimmut misissuiartorniarnera pilersaarutaasoq.

Aasianni Polar Seafoodip tunitsiviata eqqaani sulisut ilaat angut inuussuttoq sooq imaanut nakkarsimanersoq suli ilisimaneqanngilaq.

- Misissuinerit ingerlanneqarput, politiit suliffeqarfillu suleqatigalugit pisoq alianaqisoq qanoq isilluni pisimanera paasiniarparput, Nunatsinni Sullivinnik Nakkutilliisoqarfiani immikkoortoqarfimmi pisortaangallartoq, Peter Schubert oqarpoq.

Ajunaartoq kingullermik pingasunngornermi nal. 20.00 missaani, tunitsivimmi sulisoq takuneqarsimavoq. Sisamanngornermilu ullaassakkut suleqataata imaani ipisimasoq toraarpaa.

Politiilli oqaatigaat ajunaartoqarsimaneranik nalilerlugu.

- Piffissami qanittumi tunitsivimmut nakkutilliiartortitsinissarput pilersaarutaavoq, Peter Schubert oqarpoq.

Nakkutilliiartornissaq Polar Seafoodimut isumaqatigiissutaareersimavoq.

AAMMA ATUAKKIT:

Politiit: Aasianni ipisoq ajunaarpoq

Raajanik tunisassiorfimmi sulisoq ipilluni ajunaartoq

Powered by Labrador CMS