Aasianni angerlarsimaffimmut ujajaasumik politiit takunnittussarsiorput

Aasianni politiit arfininngornerup unnuaani marsip 19-ani nalunaaqutaq 03.00 aamma nalunaaqutaq 04.00 akornanni, Suulunnguup Aqqusernani angerlarsimaffimmut ujajaasoqarneranut takunnittussarsiorput.

Pinerluuteqartoq matukkut paarnaarneqanngitsukkut, najugaqartut sininneranni iserpoq.

Pinerluutilik illoqarfimmeersoq
Pinerluuteqartoq ima nassuiarneqarpoq:

• Angut kalaalerpaluttoq
• Saamiorpasittoq
• Aasiammiutut oqaluttoq
• 175 - 180 centimeterit missaani angissusilik
• Timaa nalinginnarmik ilusilik
• Kajortumik ukiorsiummik 'Napapijrimik' kavaajalik
• Qorsummik kiinappalik
• Savimmik angisuumik aappaluttumik ipulimmik nassarpoq

Innuttaasunit ikiorneqarusuttut
Aasianni politiit arfininngormat unnuakkut pasinarsinnarsinnaasumik takunnittussarsiorput, imaluunniit pinerluuteqartumut ilisimasalinnik ujaasipput.

Oqarasuaat 70 14 24 imaluunniit nalunaaqutaq 16.00 kingorna 53 51 22 sianerfigalugit saaffiginnittoqarsinnaavoq.

Atuaruk: Inuit pingasut ujajaasimasutut nalilerneqarlutik tigusarineqartut