Naanguna aasaq?
Aasarimmi apivoq
Ullut kingulliit kujataani apisarpoq. Pingasunngornermi Nanortalimmiut iterput qaqqat apisimasut. Qasigiarmiulli kiassiorpaloqaat
Annonse
Kujataani kiassiutip 0-lu qulaassimalaaginnarpaa. Allaammi nittaattarpoq ullunilu tulliuttuni kiatsinnerunissaa DMI-mit ilimagineqanngilaq.
Kujataa tamassa pueqqoqaaq. Pingasunngornermi ullaakkut Nanortalimmiut iterput qaqqat apisimasut sapaatip akunneratalu sinnera issisiut 0-lup + 5-illu akornanniissaaq.
Qeqertarsuulli tunuani pissutsit allaanerulluinnarput ulluni makkunani ammassisut sila eqqorluavimmassuk. Qasigiannguani pingasunngornermi qulit sinnerlugit kiassangatinneqarpoq sisamanngornermilu 15 tikingajallugu kiassangatinneqarluni.