nalunaaqutaq
Aasap nalunaaqutaa eqqaamallugu
Aqaguminngaanniit unnukkut qaamanerusalissaaq.
Ullumikkut arfininngornermi marsip 25-iani nuna tamakkingajallugu aasap nalunaaqutaa atuutilissaaq.
Kitaani Tasiilamiluunniit najugaqaruit nalunaaqutaq unnugu nalunaaqutaq 22.00 akunnermik ataatsimik siuartissavat, 23.00-nngortillugu.
Unnukkut qaamanerusalissaaq
Aqagumiit unnukkut akunnermik ataatsimik sivisunerusumik qaamanerusalissaaq, tassa imaappoq kitaani unnukkut nalunaaqutaq 20.00 tikillugu sila qaamasalissalluni.
Illoqqortoormiuni nalunaaqutaq sapaatiuppat marsip 26-iani 2017 nalunaaqutaq unnuap-qeqqanut tassa 00.00 siuartinneqassaaq 01.00-nngortillugu.
Sumiiffinni illersornissaqarfinni tassa Pituffimmi Danmarkshavnimilu aasap nalunaaqutaa atuunneq ajorpoq taamaammat sumiiffinni taakkunani nalunaaquttat siuartinneqassanngillat.