Aasaanerani nillataarnera isungutanneralu pisiniartarnitsinnut sunniuteqarpoq
Danskit qaammatini arlalinni seqinnisaartut, Kalaallit Nunaanni naliginnaasuunngitsumik nillerlunilu sialleqattaarpoq. Tamanna kalaallit pisiniarfinni pisiniartarnerinut sunniuteqarpoq
Danmarkimi koldskålit aamma kammerjunkerit annertuumik tunisaalluarput. Kalaallit Nunaannilu kissanniapiloornera peqqutigalugu taamaattoqanngilaq.
Brugsenimi pisiortornermut pisortaq, Niels Mathiasen Sermitsiaq.AG-mut paasissutissiivoq, aasap qaammataani nioqqutit naliginnaasumik tunisaalluartartut sila pissutigalugu ikileriaateqarsimasut.
Grilligasat tuninissaat ajornakusoortoq
- Grilligassat grillerinermullu atortut naliginnaasumik tunisartakkatsinniik ikinnerungaatsiarput. Tammanna sila pissutigalugu salliarnartani unnussiornissamik periarfissaqartitsisimannginneranik pissuteqarpoq, pisiortornermut pisortaq nassuiaavoq, angalaartartullu sila pissutigalugu sunnerneqarsimanerat ilanngullug tikkuarpaa. Brugsenimilu uunnatassat nagguteeqqallu tunisaalluartartut tunisaanerat aamma ikileriaateqarsimapput.
Silallu nillernera aamma nioqqutinut silami atungassianut soorlu tammaarsimanermi atortunut sunngiffimmilu atortunut allanut assersuutigalugu aalisarnermut aamma sikkilinut nioqqutinut sunniuteqarpoq.
- Maanna piniarneq qujanartumik aallartippoq, tamannalu tunisanut qaffariaateqartitsivoq, silallu kiannerulernissaa suli neriutigaarput naak tamanna upperiuminaassinngaangaluartoq, Niels Mathiasen oqarpoq,
Sikunik tunisat sunnerneqanngitsut
Isumaliornarsinnaavoq nillernera pissutigalugu sikut tunisaanerat sunnerneqarsimassasoq. Kalaallilli immikkuullarissuupput.
- Danskinut sanillersuullugu Kalaallit Nunaanni sikutortartut amerlanerungaatsiarput. Tassa nillernera kianneraluunniit apeqqutaaneq ajorpoq, pisiortornermut pisortaq paasissutissiivoq.
Oqaluttuaq nuannersoq tassaavoq, naatitat Danmarkiminngaanneersut pitsaalluinnarnerat, tamannalu amerlasuunit nuannaarutigineqarpoq.