Aarsaarluni ajutoortoq napparsimavimmi uninngavoq
Nuummi aarsaarluni ajutoortoqarpoq tallimanngormat. Tassani angut 36-nik ukiulik ajutoorpoq, taannalu Dronning Ingridip napparsimaviani uninngatinneqarpoq. Qujanartumik pitsassiartortoq politiinit nalunaarutigineqarpoq
Annonse
- Aarsaarluni ajutooreernermi kingorna angut Dronning Ingridip napparsimaviani suli uninngavoq. Qanoq ajoqqusersimanera suli oqaatigisinnaanngilara. Kisianni pitsassiartorpoq.
Nuummi politiinit Bjørn Bjerregaard, aarsaarluni tallimanngormat ajutoortoqarneranut atatillugu Sermitsiaq.AG-mut oqarpoq.
Aqussinnaajunnaarsimagaa
Angutip aarsaarutini aqussinnaajunnaarsimallugu oqaatigisimagaa Bjørn Bjerregaardip ilisimatitsissutigaa.
- Anorimit tigutilluni aarsaarut aqussinnaajunnaarsimallugu oqaluttuarpoq. Nunamullu tukkami aamma kalitsissimalluni, Bjørn Bjerregaard oqarpoq. Pisoq pillugu annerusumik politiinit ilisimatitsisoqanngilaq.