Piniarneq
Aarrit nunatsinni nungusarneqanngillat
Biologit 2015-imut inassutigaat, aarrit neqaannik nungusaataanngitsumik suli avammut tuniniaasoqarsinnaasoq
Annonse
Pinngortitaleriffik ukioq mannamut aalajangiivoq aavernit tunisassianik nunarput suli avammut tuniniaasinnaasoq.
Aasap ingerlanerani nutaamik nalilersorneqarsimavoq aavernit tunisassianik avammut tuniniaasarneq aarrit amerlassusaannut sunniuteqarnersoq.
2008-mi itigartitsipput
Tamatuma inerneraa namminersorlutik oqartussat aarrinit tunisassianik avammut tuniniaanissamut suli akuersissuteqarsinnaasut. Pinngortitaleriffik naliliivoq nunatsinni aaffanniarneq nungusaataanngitsumik ingerlanneqartoq.
Kingullermik 2009-mi naliliinermi taamatuttaaq naliliisoqarpoq. 2008-mi aarrit amerlassusaat nalilerneqarmat biologit inassutigaat avammut tuniniaasoqassanngitsoq.