RAL

Århusip umiarsualiviani qerititsisarneq akisunerussaaq

Århusip umiarsualiviani qerititsivissuaq nutaaq Aalborgip eqqaani qerititsivinnit atorneqartunit ingerlatseqatigiinnit avammut niuertunit atornissaa
15 procentimik akisunerulissaaq. Taama Polar Seafood paasissutissiivoq siulittuutigalugulu Aalborgimiit Århusimut umiarsualiviup nuunnera suliffeqarfimmut akisussaqisoq

Sapaatit akunnerani kingullermi Sermitsiami Århusip umiarsualiviani pisortaq Jakob Flyvbjerg Christensen oqarpoq Århusip umiarsualiviani qerititsiviit annertusinissaannut piareersimallutik.

Tusagassiutinut nalunaarut naapertorlugu ingerlatseqatigiiffik Lundsøe Køl og Frys A/S pilersaaruteqarpoq maannakkut umiarsualivimmi qerititsiviutiminnik 8.500 tonsinik annertusiinissamik taamaasillutik ukiamut katillugit 11.500 tonsinik qerititsisinnaalissallutik. Paasissutissarli taanna Polar Seafoodimut nutaajunngilaq.

– Qaammatit marluk matuma siornagut qerititsivinnik ingerlatsisumit saaffigineqarpugut, Århusip umiarsualiviata eqqaani qerititsiviliinissani kiffartuukkumalluta. Aamma tassani akit qanoq ittuusinnaanerannik missingiussisoqarpoq, ukiumut aalajangersimasumik annertussusilinnut pituttuisumik isumaqatigiissusiussagaluarutta. Tamanna pillugu itisiliinngikkaluarlunga Polar Seafood A/S paasitinneqarpoq akit maannakkut Jyllandip avannaani qerititsinermi akitiginneqartunit minnerpaamik 15 procentimik qaffasinnerussasut. Taanna Polar Seafood A/S-iinnarmut tunisassiatta passunnerannut toqqortarinerannullu ukiumut 2-3 million koruuninik aningaasartuuteqarnerussaaq, Polar Seafoodimi assartuussinermut pisortaq Michael Pedersen oqarpoq.

Sermitsiami paasisaqarnerugit:

Powered by Labrador CMS