Saqqummersitsineq
Aarhusimi ataatsimiinnermi Nunarput ukkatarineqartoq
Aarhusip qeqqani ataatsimiinnermut aamma inuussutissarsiortut saqqummersitsinerannut, borgmesteri Jacob Bundsgaard peqataasorpassuit ilagaat.
Saqqummersitsinermi bormesterip ilungersortoq Ulrik Maki Lyberth oqaloqatiginissaanut periarfissinneqarpoq, taassuma suliffeqarfik Maki Seaweed Sisimiuni pilersinnikuuaa, taanna nunarsuarmi qeqqussanik minguinnerpaat ilaanniittunik avammut nioqquteqartarpoq.
Atorfillit pissaaneqarpallaarnerat
Ulrik Maki Lyberthip nammineerluni misiginikuuaa, atorfillit pissaaneqarpallaanerat qanoq avammut tunisinermik pilersitsiniarnermik akerliusut annerpaat ilagisimagaat.
Saqqummersitsinermi ataatsimiititsisoqarpoq, tassani takkuttut Naalagaaffeqatigiinnerup avannarpasissortaani inuussutissarsiornermut periarfissat paasisaqarfigisinnaavaat.
Mogens Andersenip Vækstfondenimeersup Nunatsinnut tunngatillugu inuussutissarsiornikkut ineriartortitsinermut aamma aningaasaliinermut aaqqiissutit pillugit oqaluttuarpoq. Oqalugiartut ilagaat, Palle Frederiksen, Kommune Kujallermi inuussutissarsiornermut pisortaq, Qiviut pilersitseqataasua Anita Høegh Sisimiuneersoq, taanna pisiniarfinnik umimmaap meqquinik tuniniaasartunik ingerlatsisuuvoq.
Aarhusimi Kalaallit Illuutaat saqqummersitsinermut aaqqissuisuuvoq, sisamanngornermilu nanginneqassaaq.