pissutsit
Aaqqiinerugallarneq atuutilivinneqarami?
Ruth Heilmann, Siumut, isumaqarpoq Maniitsumi Najugaqarfik Elisepannguami innartuutilinnut pitsutsit pitsanngorsarneqarnissaannut piffissanngortoq
– Utaqqeqqinnissatsinnut akissaqanngilagut. Innarluutillit najukkaminni avatangiisaat aammalu innarluutillit sannaviat Inneruulaq Naalakkersuisut nammineerlutik takuniartariaqarpaat iliuuseqarnissamillu aallartitsillutik.
Paragraf 37 naapertorlugu Naalakkersuisunut apeqquteqaamminut Ruth Heilmann taamatut tunngaviliivoq, tassani akineqaqqugamiuk aaqqiigallarsimaneq, tassa innarluutillit Danmarkimit angerlartillugit Maniitsumi najugaqarfeqatigiiffimmi Najugaqarfik Elisebanngiami najugaqartinnerat, atuutilivinneqarsimanersoq? Illu taanna innarluutillit najugaqaqatigiiffiat ukiuni 43-ni atuussimavoq, Ruth Heilmannilu malillugu sullitanut utoqqarnut pitsorluttunullu naleqqutinngilaq.
– Angerlarsimaffiusoq taanna utaqqiisaagallartumik inissiiviusimavoq. Maannalu najugaqartut sulisullu utaqqeqqissinnaanatik inissisimalersimanerat akuersaaruminaalluinnarpoq. Piaarnerpaamik taanna nutaamik illumik taarserneqartariaqavippoq. Qaqugu Naalakkersuisut Najugaqarfik Elisebannguamik nutaamik sanaartornissaminnik pilersaaruteqarnersut matumuuna apeqqutigaara?
– Isumaqarpunga Naalakkersuisut sanaartornissaminni taanna sallersaatillugu pingaarnersaatillugulu aningaasaliiffigisariaqaraat. Apeqqutigissavaralu Naalakkersuisut uattut taamatut eqqarsarnersut, aammalu taamatut eqqarsarunik kingusinnerpaamik 2015-imi sanaartornissaq pilersaaruteqarfigalugulu aallartissinnaaneraat apeqqutigissavara, Ruth Heilmann oqarpoq.
Tamatuma saniatigut isumaqarpoq innarluutillit inuusunnerusut najugaqarfeqatigiiffianni ´Sikkerneq´-mi pissutsit aamma takuniarneqartariaqartut.
– Aammalu innarluutillit inuusunnersut najugaat illukuuvoq nangitaq ”Sikkerneq” taanna aamma pisoqalisuulivippoq nutaamillu pilersaaruteqarfigineqartariaqartoq, taanna aamma Naalakersuisut qanoq pilersaaruteqarfigineraat apeqqutigissavara?