Atuakkiamik naliliineq
Aap, Hr. Naalakkersuisut siulittaasuat
Kaj Kleistip politikkikkut suliaqarneq - suliapiloqartarnerlu - ukiuni qulikkuutaani arlalinni qaninnerpaamit malinnaaffigisimavai. Maanna oqaluttuassartani atuakkiortumut oqaluttuarisimavaa
Tusagassiortutut politikkimik soqutigisalittut atuagaq »Kajs Grønlandskrønike« allakkerisarfikkut pissarsiaralugu allaanngivippoq mamartortugassanik tunineqaannakasillarluni.
Atuakkiortoq tassaavoq oqaluttuarisaanermik ilisimasalik DR-imilu tusagassiortoq Susanne Christiansen, atuagarlu Kalaallit Nunaata ukiuni qulikkuutaani kingullerni pingasuni oqaluttuassartaatta eqikkarneratut nunasiaataanermiit nunamminersorluni oqartussaanermut ineriartornermit pisartunik ilungersunartunik ilallattaarlugu atuakkiatut ilisaritinneqarpoq.
Kaj Kleistip inuttut oqaluttuassartaa quppernerni 300-t sinneqartuni nunap nutaajusup oqaluttuassartaanut ajunngivissumik nuiuunneqarpoq. Kaj Kleistillu 71-inik ukiullip sulili erseqqissumik takunnissinnaassuseqartup qulaarinerinik pikkunartunik ujaasiniarluni kapitalit tulleriiaarlugit utaqqikataqqajaalluni qupperaqqajaanarluni.
Namminersornerulluni oqartussaanermiit namminersorluni oqartussaanermut ukiuni ikaarsaariarfiusuni ingerlarsorfiusuni qitiusumik allaffeqarfimmi kanngunartulianik sunik toqqorterisoqarsimaneranik ilisimannittoqassappat taannaasimassaaq.
Kaj Kleist ukiorpanni atorfilittatut qitiusumik inissisimalluni sulisimavoq, suliffimminullu atatillugu inuttullu naalakkersuisut siulittaasui malunnaateqarluartut pingasut qanillilluinnarsimallugit: Motzfeldt, Johansen aamma Enoksen.
Atuakkalli atuarnerani paasinarsiartorpoq Kaj Kleistip politikerinik qulaarinissani imaluunniit atorfilittanik nuanninngitsumik nittarsaassinissani siunertarinngikkaah.
Atorfilittatut sungiussilluarsimasutut inuit allaffeqatigisani pappiaranillu isertuussassanik avitseqatigisimasani ilumoorfigai. Taamaattorli marlussoriarluni qulaarilaarnissaminut ussernartorsiorneq akiorsinnaanngilaa, soorluttaaq nuanniigisaqartoq: Taakkua ilagaat Aleqa Hammond.
Allaaserisaq AG-mi sapaatip akunnerani saqqummersumi atuaruk, taannalu pisiarisinnaavat uani: