Aalisartut piniartullu aningaasaateqarfinnit nersorneqarput

Nersornaatit marluk aalisartunut piniartunullu tunniunneqarput, ataaseq aalisartunut piniartunullu eqqaassutissaannut, ataaserlu ajunaarsimasumut nuliaasumut,Aalisarnermut Piniarnermullu Naalakkersuisoqarfik paasissutissiivoq.

Nersornaatit kommunit nunaqarfiillu allaffiini tunniunneqarput.

Nersornaaserneqartut allagartamik 5.000 aamma 6.000 koruuninik aningaasartalimmik tunniunneqarput.

Nersornaatisisut

Uku Carl Egedep aningaasaateqarfianit nersornaatisipput:

• Aqqalunnguaq Tobiassen, Qaarsut – 6.000 koruunit
• U.K.A.P.P, Upernavik Kujalleq, mindesmærke – 5.000 koruunit
• Gravsten for Søren Noahsen, Qaqortoq - 5000 koruunit
• Ellen Kielsen Noahsen, Søren Noahseniugaluup nulianut, Qaqortoq – 6.000 koruunit

Una Augo Lyngep aningaasaateqarfianit nersornaaserneqarpoq:

• Svend Peter Petersen, Uummannaq – 6.000 koruunit

Aalisartut piniartullu peqatigiiffii nersornaaserneqartussanik kommunalbestyrelsinut innersuussaqartarput, kommunalbestyrelsit innersuunneqarsimasut akuerisarpaat aningaasaateqarfimmullu ingerlatitseqqittarluni.

Siulersuisut

Carl Egedep Aningaasaateqarfiata aamma Augo Lyngep aningaasaateqarfiata siulersuisui, tassaasut Aalisarnermut Piniarnermullu Naalakkersuisoq, Karl-Kristian Kruse aamma KNAPK-ip siulittaasua, Henrik Sandgreen, decembarip 11-anni 2017-imi ataatsimiinnerminni aalisartut piniartullu utoqqalisut aamma aalisartutut inuutissarsiornermi maligassiuisutut nersorneqartussatut innersuunneqartut aalajangersaaffigivaat.