Aalisarneq
Aalisartut: Kruse, kukkulerputit
Aalisarnermut naalakkersuisup Karl-Kristian Krusep aallartinniagaasa qalerallinik illersuisinnaanerat iluliarmiut qaleralinniat ilimaginngilaat. Ilulissani aalisartut AG-p naapisimaarpai
Sumiiffikkaartumik qaleralittassiisalernikkut Qeqertarsuup tunuani qalerallit ikiliartornerat unikaallatsinniarneqarsinnaasoq Karl- Kristian Kruse isumaqarpoq.
Aamma saarullinniarnermi qassutit inerteqqutaalersinnerisigut tamanna anguniarneqarpoq. Atuisulli tamanna isumaqatiginngivippaat. Taarsiullugu Qeqertarsuup avataani avaasiorluni qaleralinniarneq sukateriffigeqquaat, AG allappoq.
Qaleralinniut »Nuuni« Ilulissaniit qaleralinniarfimmut avalappoq kinguaariippassuit qaleralinniarfigisarsimasaannut. Pissutsilli allanngorsimapput Peter Olsen ilaquttanilu Oqaatsuniit Ilulissanut nuunnermi kingorna qaleralinnialermatali. Tulaassat ukiormanna ikileriarujussuarput.
Efterlyser forklaring
Januarimiit augustip tungaanut 3.700 tons taamaallaat tulaanneqarput siorna piffissami tassani tulaassat affaannaat.
- Siorna ukiakkut pasitsaapparput tulaassat ikilartulernerat. Tassani pisarisakkavut ikilipput isumalioqqaaraluarpugulli sivikitsuinnarmik tamanna atuutissasoq. Kisianni tusagassiutini sammineqartareersutut tamanna ukiormanna atuutiinnarpoq, Peter Olsen oqarpoq.
Peter Olsen aalisariutaateqarnermik saniatigut KNAPKp immikkoortoqarfiani IAPPmi siulittaasuuvoq tassanilu siulersuini ilaasortat ataatsimeeqatigisarsimaqai tulaassat ikiliartornerat oqaluuserisarlugu.
Allaaserisaq tamakkerlugu sapaatip-akunnerani AG'mi saqqummertumi atuaruk. Aviisi uani pisiariuk: