Aalisarneq
Aalisartut aningaasaqarnertik nalunaarutiginngitsoortarpaat
Kalaallit Nunaanni Aalisarsinnaanermut Akuersissutinik Nakkutilliisoqarfiup paasivaa, 2016-imi aalisarnermut aningaasaqarnikkut paasissutissanik nalunaarutiginninnerit suli amigaateqartut.
Inuussutissarsiutigalugu aalisarnermik imaluunniit angallatinik 6 m qaangerlugu angissusillit atorlugit aalisarnermik kiisalu nunami tunissassiornermik tunitsiveqarnermillu ingerlataqartut tamarmik nalunaarutiginnittussaatitaapput, suliffimmik ingerlatsinermut ukiumut kingullermut attuumassuteqartunik tunisassiornikkut aningaasaqarnikkullu pissutsinut tunngasunik paasissutissanik nalunaarutiginnittoqartalissalluni.
Umiatsiaaqqanik 6 m angullugit imaluunniit ataallugit angissusillit atorlugit aalisarneq ilanngunneqanngilaq.
Suli nassiunneqarsinnaasoq
Kalaallit Nunaanni Aalisarsinnaanermut Akuersissutinik Nakkutilliisoqarfiup paasivaa, 2016-imi aalisarnermut aningaasaqarnikkut paasissutissanik nalunaarutiginninnerit suli amigaateqartut, aalisarnermut nakkutilliisoqarfik tusagassiuutinut nalunaarummi paasissutissiivoq.
- Taamaattumik 2017-imi 2016-imut ukioq naatsorsuiffiusumut paasissutissanik nalunaarutiginnittoqassaaq. Nalunaarutiginninnissamut killingititaasoq tassaavoq sitsip aallaqqaataa, kisianni suli nalunaarutiginittoqarsinnaavoq, Kalaallit Nunaanni Aalisarsinnaanermut Akuersissutinik Nakkutilliisoqarfik paasissutissiivoq.
Tunitsiviit aalisartunut ikiuutissasut
Tunisassiorfiit tunitsiviillu pisussaatitaapput aalisartut nalunaartussaatitaasut ikiussallugit tunisaat pillugit paasissutissanik tunniussinissamut.
Paasissutissat nalunaarutiginnginneranni kukkunersiuisumit pisortanit akuerineqartumit uppernarsarneqaqqaassapput.
Nalunaarutiginninneq una atorlugu pissaaq businessingreenland.gl nittartakkami ilitsersuuteqarpoq sukumiisumik.
Politiinut unnerluussinermik kinguneqarsinnaasoq
Nalunaaruteqanngitsoorneq politiinut unnerluussinermik kinguneqarsinnaavoq, Kalaallit Nunaanni Aalisarsinnaanermut Akuersissutinik Nakkutilliisoqarfik tikkuaavoq.