Juullimi inuulluaqqussutit
Aalisartunut 1.400-nut juullisunnitsut
Royal Greenland aalisartunut, ingerlatsivimmut namminersorlutik oqartussanit pigineqartumut pisaminnik tunisisartunut, ukioq manna juullimi inuulluaqqussuteqaqqippoq
Pisarnermisut Royal Greenland aalisartunut, ingerlatsiviup sinerissami tunitsiviinut pisaminnik tunisisartunut, puussianik juullisunnitsunik imalinnik agguaavoq.
Ukioq manna puussiat juullisunnitsunik imallit 1.405-t avannaani Qaanaamiit kujataani Aappilattumut aalisartunut agguaanneqassapput, taamatut paasissutissiivoq Royalgreenland.gl.
Puussiat juullisunnitsunik imallit juullimi atugassanik tamanik imaqarput, qeerlutuut, puulukip qimerlui, mamakujuttt, kaffit atortussallu assigiinngitsut.
Mamakujuttut kaagillu
Suliffissuit ilaanni katerisimaartitsisoqarpoq kaffimmik, mamakujuttunik kaaginillu sassaallilluni, tamakkunanilu aalisartut namminneq juullimi pisassatik tiguvaat, illoqarfiilli ilaanni puussiat juullisunnitsunik imallit juulliaraq sioqqutilaarlugu aalisartut angerlarsimaffiinut tunniunneqassapput.