Aalisarnerup iluani qaninnerusumik suleqatigiinnissamik kissaateqartut

Nunat Avannarliit Killiit Aalisarnermut Naalakkersuisuisa Ataatsimeersuarnerat Kommune Kujallermi ingerlanneqassaaq.

Savalimmiormiut aalisarnermut ministeriat, Høgni Hoydal, Nunatsinni Aalisarnermut, Piniarnermut Nunalerinermullu naalakkersuisoq, Nikolaj Jeremiassen (S) pingaarnertut ataatsimeersuarnermi peqataassapput.

Aammalu Islandimiut aalisarnermut naalakkersuisoqarfianni pisortaaneq, Kristjan Skarphedinsson, siuttoralugit atorfilittat aammalu nunani pineqartuni aalisarnermik soqutigisaqartut kattuffiisa Atlantikup avannaani aalisarnermut politikkip ineriartornera oqalligisalugulu qulaajaaffigissavaat.

Atuaruk: Asiamit pisisartumit tikeraartoqarneq isertitaqarnerulernermik kinguneqarsinnaavoq

Qanimut suleqatigiinneq
Kommune Kujallermi borgmesterip tullersortaata, Simon Simonsenip (S), ataatsimiinnerup Nunatsinni ingerlanneqarnera nuannaarutigaa.

- Kommune Kujallermi kommunalbestyrelsip kissaatigaa aalisarnermut politikki patajaatsumik nukittuumillu ineriartortinneqassasoq, uangalu qularinngilara, Kommunip ataatsimeersuartunut tikeraartitsisuunera aqqutigalugu aalisarnermut tunngatillugu anguniakkatsinnut sakkussatsinnik pissarsilluassasugut.

Aalisarnermi suliffiit amerlanerusut
Taassuma neriuutigaa, aalisarnermut ministerit pingasut taakku ataatsimersuarnerminni Atlatikup Avannaani aalisarnermut politikkip inerisarneqarnissaanut sakkussarsilluarumaartut aammalu nunat pineqartut suleqatigiinnerat annertusarneqarluarumaartoq, nunanut taakkununnga iluaqutaasussamik.

Kujataanilu matumani suliffiit amerlanerunissaannik kissaateqarpoq.

- Kommunalbestyrelsip kissaatigaa aalisarnerup ingerlanneqarluarnerata malitsigisaanik nunami suliffiit pilersinneqassasut, taamaammat uagutsinnut assut pingaaruteqarpoq nunap immikkoortuani inuuffigisatsinni kissaaterput malunnartinniassallugu, Simon Simonsen oqarpoq.

Atuaruk: Aalisarnerit tamarmik siuariarfiusut