Aalisarneq

Aalisarnermut isornartorsiuisoq: Isornartorsiorneqartarumaarpunga

Naalakkersuisuusartut aalisarnermut politikkiannik isornartorsiuisartut sakkortunerit ilaat Karl-Kristian Kruse, maanna aalisarnermut, piniarnermut nunalerinermullu naalakkersuisunngorpoq

Aalisarnermut, piniarnermut nunalerinermullu Naalakkersuisoq Siumumit Karl-Kristian Kruse

Aalisakkanik piniagassanillu pisassat annertussusaannik isornartorsiuisartut salliit ilaat maanna pisuussutit uumassusillit nakkutiginerannut politikkikkut oqartussaalerpoq. Tassaavoq Siumumeersoq Karl-Kristian Kruse nunaqarfimmi Niaqornaneersoq Uummannap eqqaaniit.

- Ilumoorpoq politikkerit maanna inissiffigisanniittarsimasut isornartorsiungaatsiartarsimagakkit. Aamma ilimagilluinnarpara uangattaaq isornartorsiorneqartarumaarlunga. Kisianni suliassamut piareersimavunga, Karl-Kristian Kruse oqarpoq.

Meeqqat atuarfiat apersortinnermi aappaguani qimakkamiulli umiatsiaararsorluni aalisartuullunilu piniartuuvoq. Nammineq timimigut misigereersimavaa aalisarnerup unikkallartarnerata qanoq inuussutissarsiortunut misigititsisarnera. Taamaammat pisasat amerlineqarnissaannik noqqaasuuvoq.

Allaaserineqartoq Tamanut Avannaanimi tamaat atuarneqarsinnaavoq. Qaasuitsup Kommuniani pisartut pillugit aviisimi aamma atuartoqarsinnaavoq. Aviisi akeqanngitsumik ataani aaguk:

Powered by Labrador CMS