Skip to main content

Aalisarnermut inatsit pillugu isumasioqatigiinnermi isertuussineq

Karl-Kristian Kruse aalisarnermut ataatsimiititaliamit tallimanngormat matoqqasumik isumasioqateqarnissamik aggersarneqarpoq.

Aalisarnermut inatsit oqallisaangaatsiartoq, Aalisarnermut piniarnermullu naalakkersuisoq Karl Kristian Kruse, Siumut, Inatsisartuni Aalisarnermut Ataatsimiititaliamit isumasioqatigiinnissamut tallimanngormat aggersarneqarneranik kinguneqarpoq.

Ataatsimiititaliap siulittaasua Hans Aronsen (IA) inatsisissatut siunnersuutip oqaluuserisassaniinneranik ilumoorneraavoq, ataatsimiinnermili oqaluuserineqartut AG-mut oqaaseqarfigiumanagit.

- Ataatsimiititaliani ataatsimiinnerit matoqqasuusarput, taamaattumik ataatsimiinnermi oqaluuserineqartut pillugit sukumiinerusumik oqaaseqarsinnaangilanga, AG-mut oqarpoq, ilassuteqarlunilu oqaatigalugu ataatsimiititaliap Aalisarnermut Naalakkersuisoq paasuerutaminik apeqquteqarfigisimagaa.

Isumasioqatigiinnerit ammasuussanersut matoqqasuussanersulluunniit ataatsimiititaliap nammineq aalajangertarpaa. Ataatsimiititaliap aalisarnermut naalakkersuisumut apeqqutaanik aamma akissutaanik innuttaasut paasitinneqartassasut, Inatsisartut suleriaasianni allaqqavoq.

Siulittaasup tullia Nivi Olsen (D) oqaaseqarusunnerunngilaq – taanna oqarpoq, partiit tamarmik maanna tunuliaquttaminnut tusarniaasussanngortinneqartut partiit aalisarnermut ataatsimiititaliami Karl Kristian Krusemik ataatsimeeqateqaqqitsinnagit.

Suliaq pillugu AG-mi paasisaqarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

MEST LÆSTE

SENESTE NYHEDER