Aalisarnerit tamarmik siuariarfiusut

Nunatsinni Naatsorsueqqissaartarfiup ukiumi qaammatini arfineq-marlunni siullerni tunisat ataasinngornermi saqqummiuppai.

Piffissami taamaalinerani 2015-imi raajat, qalerallit aamma saarulliit amerlanerusut pisarineqarsimasut taakku takutippaat.

Saarullik uteqqippoq
Saarullik ukiuni qulikkaani pisarineqartarneri appasinikuullutik immikkut uteqqittutut oqaatigineqarsinnaavoq.

2016-imi januaarimi juunimut saarulliit 20.336 tonsit pisarineqarsimapput, 2013-imi piffissami taamaalinerani 6.422 tonsiinnaasimallutik.

Juulip qaammataani qalerallit pisarineqarsimasut 19.250 tonsiupput, siornalu piffissap taamaalinerani 15.572 tonsiusimapput.

Raajarniarneq appariartorfiusimagaluartoq maanna annertuseriaateqaqqilerpoq, 23.784 tonsit tunineqarput, siorna piffissami taamaalinerani 19.153 tonsiullutik.

Atuaruk: Qaammataasap Royal Greenland paasisaatikkaa

Ineriartornermut takussitissaq titartagartaliussaq 2014-imit aallartittoq uani ataani takuuk