Aalisarneq pillugu saqqummersitsinermi suliffeqarfiit 54-t peqataasut

Aalisarneq pillugu saqqummersitsineq Polar Fish 2016 - Kalaallit Nunaanni kisiartaalluni ingerlanneqartartoq, Sisimiut Timersortarfiani ammarneqarpoq. Taanna sapaatiuppat tungaanut pissaaq.

Suliffeqarfiit 54-t Polar Fishimut peqataapput.

Tunisassiat nutaat
Nunatsinni aalisarnermut suliffeqarfiit annersaat Royal Greenland peqataasut ilagaat. Tassani suliffeqarfik tunisassianik ussassaarissaaq, tunisassiaq nutaaq 'Nutaaq Cod' ilanngullugu.

Royal Greenland sinnerlugu saqqummersitsinermi peqataasut, Sisimiuni aalisartunut, suliffeqarfinnut saqqummersitsiartoqataasunut kiisalu Sisimiuni suliffeqarfinnut siunnersuillutik pingasunngormat aallartipput.

Royal Greenlandip Sisimiuni suliffeqarfissua aamma pulaartitsinissamut sinerissamit tikittorpassuarnut illoqarfimmilu innuttaasunut pulaartitsinissamik neqerooruteqarput.