Aalisarneq pillugu Norgemut isumaqatigiissut nutarterneqartoq

Nunarput Norgep imartaani allannguuteqanngitsumik aalisarnissaminut periarfissaqassaaq.

Tamanna aalisarnermut piniarnermullu naalakkersuisoqarfiup Nunatta aamma Norgep akornanni 2017-imut aalisarnermut isumaqatigiissuteqarnerata kinguneraa.

Kalaallit Nunaata aamma Norgep 2017-imut aalisagartassat pillugit isumaqatigiinniarnerat atorfilittanit Københavnimi decembarip arfineq pingajuanni aamma qulingiluaanni 2016-imi ingerlanneqarput.

Amerlassusaat taamaaginnartut
Isumaqatigiissut Kalaallit Nunaata aamma Norgep aalisarneq pillugu isumaqatigiissutaannik juunip qulingiluaanneersumik 1992-imeersumik tunngaveqarpoq. Isumaqatigiissut kalaallit Norgep imartaani 2017-imi aalisarnissaannut aamma norgemiut nunatta imartaani aalisarnissaannut tunngaviuvoq.

Taamaalilluni aalisartut nunatsinneersut Barentshavimi 3.700 tonsinik saarullissinnaassapput, kullerinik 900 tonsinik aamma saarulliusaanik 500 tonsinik aalisarsinnaassallutik.

Aalisartut nunatsinneersut pisarisuugarisinnaasaat 40 tonsinik aamma ilaneqarput.

Atuaruk: Saarulliit amerlanerusut EU-mut

Norgemut nataarnat ikinnerusut
Norgimiut Tunumi nataarnartassaat 90 tonsinik ikilineqarput. Akerlianik Tunumi tinguttuunik 340 tonsinik pisassinneqarput, amerleriaataat 140 tonsiullutik.

Norgemik 2017-imut isumaqatigiissuteqarneq aalisarnermik inuussutissarsiuteqartunit aamma Aalisarnermut Piniarnermullu Naalakkersuisoqarfimmit naammagisimaarneqarpoq, nunatsinnut naleqartinneqaqaluni