assit takukkit
Aalisarneq pillugu isumasioqatigiinneq
Marlunngornermi pingasunngornermilu aalisarneq pillugu isumasioqatigiittoqassaaq
Nuummi Hotel Hans Egedep ataatsimiittarfiani aalisarneq pillugu isumasioqatigiinneq nalunaaqutaq 8.30 aallartinneqarpoq.
Aalisarneq pillugu isumasioqatigiinnermi siunertarineqarpoq nunatsinni aalisarnermi unammilligassat suussusersineqarlutillu eqqartorneqarnissaat kiisalu aalisarnerup aningaasarsiornikkut peqassuserlu eqqarsaatigalugit attanneqarsinnaasumik ingerlanneqartariaqarneranut sinaakkutissanik naleqqussaasariaqarnissamik eqqartuinissaq.
Isumasioqatigiinneq Aalisarnermut, Piniarnermut Nunalerinermullu Naalakkersuisumit, Finn Karlsenimit, ammarneqassaaq.
Isumasioqatigiinneq Aalisarnermut, Piniarnermut Nunalerinermullu Naalakkersuisoqarfimmit KNAPK aamma Kalaallit Nunaanni Sulisitsisut Peqatigiiffiat suleqatigalugit aaqqissuunneqarpoq.
Isumasioqatigiinnermi inuit 140-it missaaniittut peqataassapput, amerlanerit aalisartuullutik, aalisarnermullu attuumassuteqartuullutik. Isumasioqataasussat ilaat aamma tassaapput naalakkersuinermik suliallit atorfilittallu.
Isumasioqatigiinnermi pilersaarutigineqartut uani takuneqarsinnaapput