Skip to main content

Aalisarneq pillugu akerleriinneq kilisaataatillit sakkortusarpaat

Aalisarnermut inatsit nutaaq pillugu akerleriinneq ullumi nutaamik annertussuseqalerpoq, kilisaataatillit arfinillit ataatsimoorlutik Kim Kielsenimut saaffiginnissuteqarput, aalisarnermullu inatsisissamut siunnersuut taamaatinneqanngippat eqqartuussivikkut suliassanngortitsinissamik Namminersorlutik Oqartussat sioorasaarpaat.

Polar Seafoodimi siulersuisunut siulittaasoq, Henrik Leth, milliardilikkaanik taarsigassiinissamik piumasaqaateqarnissamik siusinnerusukkut Sermitsiaq.AG-mi aarlerisaaruteqarnikuuvoq. Maannalu asuliinnaq aarlerisaarisoqarsimanngitsoq paasinarsivoq.

Eqqqartuussivikkut suliassanngortitsineq
Namminersorlutik Oqartussat eqqartuussivikkut suliassanngortitsiviginissaanut piareersimallutik, Naalakkersuisut siulittaasuannut, Kim Kielsenimut, allakkami kilisaataatillit arfinillit naqissuserpaat. Kilisaataatillit taakku sinnerlugit Sulisitsisut allakkami Naalakkersuisut siulittaasuat naalakkersuisoqarfianut nassiussineranni pivoq.

Allagaq ''Asasara Kim Kielsen''-imik aallarnerneqarpoq, Sulisitsisullu pisortaannit Brian Buus Pedersenimit atsiorneqarsimalluni.

Inatsisissatut siunnersuummi piffissaligaanngitsumik pisassiissutit minnerpaamik ukiuni tallimani kalerriutigineqarnerisa kingorna atorunnaarsinniarneqarnerat, suliassanngortitsinissamut tunngavigineqarpoq.

Pisassiissutit akilernikuuagut
- Suliffeqarfitta pisassiissutit taakkua akilernikuuaat. Pisassiissutit suliffeqarfitsinnut tunngaviupput, kilisaatittalu aningaasalerneqarneranut tunngaviullutik, allakkami tamanna allaqqavoq.

- Aningaasanik akilerlugit pisiarisimavagut, utertinneqarnissaallu arsaarinninnertut (ekspropriation) isigivarput. Tamatuma malitsigisaanik Namminersorlutik Oqartussanut taarsiinissamut suliassanngortitsisariaarluta misigisimavugut, kilisaataatillit arfinillit allapput.

Royal Greenland amigaataasoq
Kilisaataatillit annerpaat ilaat allagaqartuupput. Ingerlatseqatigiiffiup Namminersorlutik Oqartussanit pigineqartoq taarsigassartitsinissamik soqutiginninngitsoq, Royal Greenlandip pisortaata Mikael Thinghuusip siusinnerusukkut AG-mut ilisimatitsissutiginikuuaa.

Kilisaataatillit arfinillit tassaapput, Ice Trawl Greenland A/S, Imartuneq Trawl A/S, Niisa Trawl ApS, Qajaq Trawl A/S, Sikuaq Trawl A/S aamma Polar Seafood A/S.

Milliardilikkaanik aningaasaliinerit
Kilisaataatillit arlallit umiarsuarnut nutaanut 1,7 milliardinik aningaasaliissuteqarput, taakku maanna sanaartorneqaleruttorput. Pisassiissutit arsaarinnissutigineqarpata, taakku aningaasaliissutit naleerunnissaat ernumassutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

MEST LÆSTE

SENESTE NYHEDER