Naatsorsueqqissaartarfik
Aalisarneq 2018-mi aallartilluarpoq
Raajat, qalerallit saarulliillu januaarimi tunisat ukioq kingullermut sanilliullugu 50 procentimik amerlanerupput.
Raajanik tunisineq pitsaasumik inissisimavoq. 2.457 tonsit tunisassiorfinnut tunineqarput januaarimi ukioq kingulleq. Ukioq manna kisitsit pitsaaneruvoq, tassami 3.811 tonsit tunineqarmata.
Naatsorsueqqissaartarfiup kisitsisaataani tamanna takuneqarsinnaavoq.
Ukioq rekordiliiffiusoq
Raajanik januaarimi tunisaqarnermi rekordiliiffiusorli tikinneqanngilaq. Ukiumi tassani januaarimi 5.036 tonsinik tunisaqartoqarpoq.
Qaleralinnik tunisineq aamma ingerlalluarpoq. Januaarimi 1.858 tonsit tunineqarput, ukioq kingulleq kisitsit 1.286 tonsiulluni.
2016-mi januaarimi qalerallit 2.085 tonsit tunineqarput.
Saarullinnik tunisinermi marloriaannarluni januaarimi 1000 tonsit qaangerlugit tunisisoqarnikuuvoq. 1.067 tonsit januaarimi tunineqarput, ukioq kingulleq januaarimi 423 tonsit tunineqartut.