Uumasuusivimmi iluarusuut
Aalborgip uumasuuvissuani nannut nunatsinni puisip orsunnapput
Nukajaraq Olsen Sisimiuneersoq piniartunit puisip orsuanik pisivoq Aalborgimi uumasuusivissuarmut tuneqqitaminik
Aallarnisaasartoq Nukajaraq Olsen Sisimiuneersoq puisip neqaanik qimminut nerukkaatissanik tunisaqartarnermi saniatigut Aalborgip uumasuusivissuanit puisip orsuanik pisiffigineqartarpoq. Maanna orsoq 500 kilo nassiunnissaanut piariilerpaa Aalborgip uumasuusivissuani nannut mamarsaatissaat. Nukajaraq Olsen neriuppoq suliniut puisit amiinik tunisaqarnerup pitsaanerusumik isigineqarnerulernissaanut ilapittuutaajumaartoq.
Nukajaraq Olsen 2009-miilli Aalborgimi uumasuusivissuarmut puisip orsuanik tunisaqartarput nannunut nerisinneqartartumik. Isumaqatigiissut malillugu orsoq 500 kilo ukiumut nassiunneqartarpoq.
København piumanngilaq
- Kujataani piniartut isumaqatigiissuteqarfigereerpakka puisit neqaannik pisinissamut qimuttunik qimmilinnut tuneqqittakkannik, Nukajaraq Olsen Sermitsiaq.AG-mut oqaluttuarpoq.
Taanna nammineq Aalborgimi uumasuusivissuarmut saaffiginnissimavoq puisip orsuarnik piserusunnersut paasiniarlugu. Suleqatigiinneq taanna iluaqutigalugu piniartut pisaminnik tunisaqarnerat iluaquserneqarpoq.
- Neriuppunga Aalborgimi uumasuusivissuarmut puisip orsuanik tunisaqartarnikkut puisit amiinik tunisaqarnerup pitsaanerusumik isigineqalernissaa iluaquserneqarsinnaavoq. Københavnip uumasuusivissuanut aamma saaffiginnissimagaluarpunga puisip orsuanik piserusunnersut paasiniarlugu, taakkuli soqutiginniganik nalunaarput, Nukajaraq Olsen oqarpoq.