Suliumajunnaarneq
Aalborgip umiarsualiviani suli suliumajunnaaqqapput
RAL-imi sulisut isumaqatigiissummut akerliusumik suliumajunnaarnertik suli ingerlappaat
Aalborgimi RAL-imi sulisut ullumikkut aamma sulinertik nanginnianngilaat.
Ullaaq manna ataatsimiinnerminni isumaqatigiissummut akerliusumik suliumajunnaarnertik ingerlatiinnarniarlugu aalajangerput. Ole Nors, Aalborgimi 3F-imeersoq ilisimatitsivoq.
Sulinermi pissutsinut eqqartuussiviup sulisut suliartoqqeqqugaluarpai.
- Sulinermi pissutsinut eqqartuussivimmit aalajangiissut taakkununnga atuaraluarparput, sulinerlu aallarteqqullutigu, kisianni allatut iliorsinnaanngilagut, Ole Nors, Sermitsiaq.AG-mut oqarpoq.
RAL-ip pisortaa Verner Hammeken sinniisunik ataatsimeeqateqarpoq, uani sapaatip-akunnerani oqaatigineqartoq sulisunut erseqqissumik nassuiaaniarluni pisimasoq, taassuma nassuiarniarsarigaluarpaa.
Kisianni nassuiaataasa sulisut saammartissimanngikkai takuneqarsinnaavoq.
- Taamatut pineqarsimanertik suli kamaatigivaat, Ole Nors oqarpoq.
- Aamma nikallungapput. Kalaallit Nunaannut angallassinerup ingerlannera ataqqiuaannarsimavaat, pitsaanerpaamillu iliorniartarlutik, Ole Nors oqarpoq, taanna nammineerluni umiarsualivimmi tassani sulisarnikuuvoq.
Aamma atuaruk: RAL-p Aalborgimi sulisut sinniisai ataatsimeeqatigisimangai