Royal Arctic Line
Aalborgimut suli aningaasaliissuteqartassasut
RAL aningaasaliisutut tapiissutini Kalaallit Nunaanni pissutsinut tunngatinniarpai, karsili matuinneqassanani. Aalborgimi ingerlatanut suli missingersuuteqartoqartarpoq
Danmarkimi aningaasaliisutut tapiissutinut 50.000 koruunit missingersuutini ukiumut immikkoortinneqartassapput. Royal Arctic Linep pisortaanera, Verner Hammeken, taama paasissutissiivoq.
Aningaasat Aalborgimi aningaasaliisutut ukiuni kingullerni ukiumut tapiissutigineqartartut taakkua arfinilerarterutigaat.
Atuaruk: Danmarkimi arsaattartunut aningaasaliisoq
Inuiaqatigiinnut akisussaaffik
Aningaasallu 50.000 koruunit tamarmiusut tunniunneqartassanersut tapiiffigineqarnissamik qinnuteqaatinit RAL-imit tiguneqartunit aalajangiivigineqartassapput.
- Najukkami suliffeqarfittut pisinnaanerput tunngavigalugu inuiaqatigiinnut akisussaaffimmik tigusinissarput soorunami eqqarsaatigaarput. Royal Arctic Line Danmarkimullu aqutsisoqatigiit nutaat najukkami aningaasaliissutinut maanna akisussaalerput, agguaasarnermilu politikki imaalerluni, aningaasat soqutigisatsinnut attuumassutilinnut tutsinneqartassallutik ajornanngippallu Kalaallit Nunaannut attuumassuteqarsinnaasunut imaluunniit kalaallit/qallunaat Danmark tamakkerlugu kulturikkut paaseqatigiinnerannut tapiissutitut tunniunneqartassallutik, Verner Hammeken erseqqissaavoq.
Atuaruk: Royal Arctic Linep sinneqartoorutini annertusivai
Siumut isiginissamut piffissanngortoq
Ikiuiniarnermut tapiissutit Najukkami aqutsisoqatigiinnit ilisimatitsissutigineqarpoq, suliniaqatigiiffiit soorlu Børns Vilkår, Røde Kors, innarluutillit kattuffii assigisaallu ukiuni ataasiakkaani aningaasanik annikinnerusunik soorlu 1.000 aamma 2.500 koruunit akornanni tapiiffigineqarsinnaasassasut.
Verner Hammeken aningaasaliissutit pillugit AG-mut arlaleriarluni oqaaseqartarsimasoq, tapiissu teqartanerup annertussusaanik malunnartumik tupaallaatiginnissimavoq. Sulialli matunissaanut maanna piareersimanerarpoq.
- AG -mit tamatuma qaqilerneqarnera ajunngilluinnarpoq, kisianni siumut isiginiarnissamut maanna piffissanngorpoq, isumaqarpoq.
Allaaserisaq uani sapaatip-akunnerani AG-mi saqqummertumi atuaruk, taanna pisiniarfinniilereerpoq. Uani ataani aviisi digitalimik pissarsiarisinnaavat: