ajunaarnersuaq
Aalborgimit Nuugaatsiaq eqqarsaatigineqartoq
Aavaat Aalborg Domkirke Budolfimi tusarnaartitsinertik Nuugaatsiami eqqugaasunut kissalaartumik eqqarsarsaatinik misigissutsinillu nassiussinermik aallarnerpaat.
Erinarsoqatigiit Aavaat Nuugaatsiaami innuttaasunut kialaartumik inuulluaqqussummik nassiussipput.
Ingerlaaqatigiinnertalimmik isaatitsisoqarnerata kingorna erinarsoqatigiit Aalborg Domkirke Budolfimi ''Nersortigu qilammiu'' aallarniutigalugu atorpaat.
Inuit 300-t missaanniittut tusarnaariarput, taakkulu erinarsoqatigiit tussiummik tusarnaartitsinerannut ersarissumik sunnertisimapput.
Erinarsoqatigiit ukiuni 18-ini ussersuataartorisimasaat, Mads Lumholt pulaartutut aqutsisuuvoq.
Erinarsoqatigiit ussersuataartuat nutaaq, Joao Peas, agiarsuarpoq, ilaatigullu Mads Lumholtip aaqqissugaa ''Innarta anaanaga'' ussersuataarfigaa.
Aasaanerata aallartinnerani ulapaarfiusup Aavaat Roskilde Domkirke, kingullermillu Tivolip tusarnaartitsisarfiani tusarnaartitsereerlutik aasaanerani sulinngiffeqassapput.