puisinniartarneq

Aalborgimi neqeroorut: Puisip amia pitsaanerpaaq

Kalaallit Nunaanni piniartut kiisami angusaqarnialernerpat?

Aalborgimi Vejgaardaviisimi piseqqusaarusiami marlunnik quppernillip ilamernga

Ullaaq iterluarneqarnanga kaffisorujoorlunga tupingajavippunga piseqqusaaruterpassuit akornganni, Vejgaard Avisimi, Aalborgimi sapaatit akunneri tamaasa akeqanngimik agguaattakkami, takussaariataarmat neqeroorut: ”Puisip amia Iluarnerpaaq Kalaallit Nunaanneersoq suminngaaneernearnik uppernarsaatilik” 995,-koruunilik.

Taava eqiiallappunga eqqarsarlungalu: ”Yes!, kiisami sorpassuit akimorlugit tusarneqarput!” Kalaallit Nunaannilu piniartut sinnerlugit nuannaajallarujussuarlunga, eqqarsaatikkalu nangillugit: ”Tassaanerpa kiisami ukiorpassuarni Kalaallit Nunaanninngaanniitt puisit amiinik avataanit pisisussaaleqisarnerujussuaq qaangiutilersoq?”

COOP tassaavoq niuertarfippassuarnik pigisalik, ukuullutik Kvickly, SuperBrugsen, Dagli´Brugsen coop.dk.pigalugillu niuertarfeqarfiit Irma aamma Fakta. Katillugit Danmarkimi niuertarfiit 1200it sinnerlugit, taamatut nuna tamakkerlugu pisiniarfeqarfik aamma internetikkut pisiarfeqarpoq, maannalu netbutikkimini puisit amiinik akisaasat pinnersaatit allallu nioqqutigisatut neqeroorutigalugit

Coop-ip nioqqutissani imatut allaaserivai:

“Kalaallit amiinit tunisassiat iluarnerpaat. Ammit taakku Kalaallit Nunaanni piniartunit piniariaasitoqaq atorlugu pisarineqarnikuupput”.

Ameq issiavinnaanni, nalaasaarfinni atoruk, imaluunniit natermi qaqutigoortumik pinnersaatitut. Ameq nungullajaatsuuvoq ullullu tamaasa aqqusaarneqartarnissaq allannguutigineq ajorlugu.

  • Angerlarsimaffimmi avannaamiorpaalaatut isikkoqalersitsisarpoq
  • Puisip amia pitsaanerpaaq piniarneq nungusaataanngitsoq periusigalugu pisaq
  • Nioqutiginerani isertitat piniartuullutik inuussuteqartut ataavarnissaannut tapiissutaassaaq
  • Ammit tamarmik tassaapput tunisassiat iluarnerpaat Kalaallit Nunaanni piniariaaseq nungusaataanngitsoq periusigalugu pisarisaanikut, tamarmillu EU-mit uppernarsaammik nalunaaqqussersornikuullutik, uppernarsarlugu tunisassiap. EUmi nungusaataanngitsumik uumasullu atugarissaarlutik inuusimanerannut piumasaqaatit eqquutsillugit
  • Salinnissa: Amermut ajutoorlutit kuisuugaqassagaluaruit – allarummik masatsikkamik tagiartorsinnaavat
Powered by Labrador CMS