UPS!
Aalakoorluni biilertup politiit biilii kingumukarluni aporpai
Nuummi politiit 19-inik ukiulik unnerluutigaat, taassuma aalakoorluni politiit biilii kingumukarsorluni apormagit
Annonse
Angut 19-inik ukiulik alkometerimut supitinneqarpoq tallimanngormat unnuakkut imerniartarfiit matunerisa missaani Godthåb Bryghus-ip eqqaani politiit biilii kingumukarluni aporamigit.
19-inik ukiulik aqussinnaanngilaq kingumukarsornerminilu politiit biilii aporlugit saavani matuat saamerleq aserorlugu.
Angut inuusuttoq biilertoq alkometerimut supitinneqarpoq politeeqarfiliaanneqarlunilu misissugassamik aaversillugu aalakoorneranillu misilillugu.
– Aalakoorluni biilersimasutut unnerluupparput, Nuummi Politiit Sermitsiaq.AG-mut oqarput.