Aajuna Københavnimi sinniisoqarfimmi pisortaq nutaaq

Kalaallit Nunaata Københavnimi Sinniisoqarfia nutaamik pisortartaarpoq.

Naalakkersuisut Siulittaasuata Naalakkersuisoqarfia aalajangerpoq cand.jur. Lida Skifte Lennert Københavnimi sinniisoqarfimmi pisortatut atorfinitsinniarlugu.

Misilittakkat
Lida Skifte Lennert Kalaallit Nunaata Bruxellesimi Sinniisoqarfiani 2008-mili pisortaavoq. Tamanna sioqqullugu Lida Skifte Lennert Namminersornerullutik Oqartussani ilaatigut immikkoortortami pisortatut siunnersortitullu immikkut ilisimasalittut atorfeqarsimavoq.

Tatigineqaatitigut Lida Skifte Lennert ilaatigut Grønlandsbanken A/S-imi Nunaoil A/S-imilu siulersuisunut ilaasortaasimavoq Kalaallit Nunaannilu Unammilleqatigiinnissammut aalajangiisartunut ilaasortaasimalluni.

Aappaagu sulilissaaq
- Atorfimmit soraarnermik kalerriiffissat Bruxellesimilu sinniisoqarfimmi 2016-imi qaammatini siullerni pingasuni suliassat pissutaallutik Lida Skifte Lennert Kalaallit Nunaata Københavnimi Sinniisoqarfiani pisortatut 2016-imi apriilip aallaqqaataani sulilissaaq.