KNAPK-mi siulittaasut nikinnerat

Aajuna KNAPKp siulittaasortaava

Aalisartoq Henrik Sandgreen Ilulissaneersoq aalisartut piniartullu kattuffianni KNAPK-mi siulittaasunngorpoq

Naalakkersuisut er forvirret, de handler modsat hvad de melder ud, mener KNAPK´s formand Henrik Sandgreen.

Naalakkersuisut siulittaasuat Aleqa Hammond aamma KNAPKp siulittaasortaava Henrik Sandgreen.

Aalisartut ataatsimoortinniarnissaannik Henrik Sandgreen suliakkinneqarpoq. Leiff JosefsenNaalakkersuisut siulittaasuat Aleqa Hammond aamma KNAPKp siulittaasortaava Henrik Sandgreen. Leiff JosefsenAalisartut ataatsimoortinniarnissaannik Henrik Sandgreen suliakkinneqarpoq. Leiff JosefsenNaalakkersuisut siulittaasuat Aleqa Hammond aamma KNAPKp siulittaasortaava Henrik Sandgreen. Leiff JosefsenAalisartut ataatsimoortinniarnissaannik Henrik Sandgreen suliakkinneqarpoq. Leiff JosefsenNaalakkersuisut siulittaasuat Aleqa Hammond aamma KNAPKp siulittaasortaava Henrik Sandgreen. Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Noah Mølgaard

pingasunn 12. juu 2013 08:52

Annonse

KNAPK-mi siulittaasussarsiorneq marlunngornermi pimmat unammisoqarpoq. Henrik Sandgreen 21-nit taaneqarluni ajugaavoq unammillertaa Isak Vahl Narsameersoq 16-nit taaneqartoq. Siulittaasunngortoq suliassinneqarpoq aalisartut ataatsimoornissaanik sulissuteqartussatut.

Atuaruk: Leif Fontaine siulittaasutut tunuarpoq

Ilulissani Uummannamilu qaleralinniat ilaat KNAPK-mit avissaarlutik unammineq peqatigiiffiliornikuupput. Maanna KNAPKp sulissutiginiarpaa aalisartut ataatsimoornissaasa qulakkeerniarnissaa.

- Oqaloqatigiilluarnikkut ineriartornissamullu periarfissanut eqqumalluarnerunikkut aalisartut ataatsimoornerunissaat qulakkeersinnaavarput, KNAPKp siulittaasortaava Henrik Sandgreen Sermitsiaq.AG-mut oqarpoq.

Tunisinermi akit isumaqatigiinniarnernilu angusat aalisartut avissaartuunnerannik kinguneqarajuttarput.

Isumannaatsumik unammilleqatigiinneq
- Aalisakkat akiisa assigiiaarnerunissaat anguniarparput. Kisianni unammilleqatigiittoqarnera isiginngitsuusaarsinnaanngilarput. Qulakkeertariaqarpulli illersorneqarsinnaasumik unammilleqatigiittoqarnissaa, Henrik Sandgreen oqarpoq.

KNAPKp kattuffittut ukiunik 60-nngortorsiornera pingasunngornermi malunnartinniarneqarpoq ullorsiornerlu aallarnerlugu Nuummi katersortarfimmi ullaakkorsioqatigiittoqarpoq. Naalakkersuisut siulittaasuat Aleqa Hammond Siumumeersoq oqaaseqarnermini aalisarnermi allanngutissanik taakkartuivoq.

Atuaruk: Pisassat qaffanniarpaat

- Anguniarparput allanngortiterinikkut aalisarnerup uneqattaarfiunngitsumik ingerlasinnaalernissaa. Tamannali piujuaannartitsinissamik tunngaveqartumik suliarineqassaaq. Allaanngutissat aalisarnermik suliaqartut suleqatigalugit suliarineqassapput, Aleqa Hammond oqarpoq.

Naalakkersuisooqatigiilersullu aalisartunit isumalluarfigineqarput.

- Suleqatiginnikkusussuseq annertunerusoq malunnarpoq. Tamanna siunissamut isumallualersitsivoq, Henrik Sandgreen oqarpoq.

Leif Fontaine siulittaasutut qinigassanngorteqqinngilaq siulittaasullu tulliatut qinerneqarluni. Siulersuisuunerniilersut allat tassapput: Albert Fleischer, Isak Vahl, Lars Heilmann, Johan Villadsen, Karl Borup, Jonas Filemonsen aamma Hanseeraq Olsen.