pilluarit
Aajuna Aasianni arnatsialak
Atisaarniarfik Anuni inuit innersuussinerat atorlugu Aasianni arnatsialammik toqqaavoq
Nanna Sandgreen Aasianni arnatsialattut toqqarneqarpoq. Toqqarneqarneranut tunngavilersuutigineqarpoq utoqqaat pissakinnerusullu juullimi nuannaarutissaqartinniarlugit suliniarluarsimammat
Atuaruk: Gerda Tellesen Qaqortumi arnatsialattut toqqarneqarpoq
Atuaruk: Anette Grønkjær Lings Arnatuk 2014-tut toqqarneqarpoq
Atuaruk: Maliina Abelsen arnatsialattut toqqagaavoq
Atisaarniarfik Anuni arnatsialammik toqqaanissamut innuttaasut innersuussuteqarnissaannik kaammattuivoq. Arnat 29-it arnatsialattut innersuutigineqarput taakkunanilu Nanna Sandgreen toqqarneqarnersaavoq.
- Ukioq manna arnatsialattut toqqagarput annertuumik qujassutissarfingaarput soorlu aamma juulleriartornerani kajumissutsiminik uummammeersumik , illoqarfitsinni sanngiinnerusortagut, utoqqartagut sulisimaqisut ataqqillugit meerannguani peqatigalugit nuannaarnermik juullimullu qilanaarsitsilersumik pajuttoramik. Taamaasillutik nunaqqatigut kajumittunngortillugit imminuinnaq eqqarsaatiginani juulleriartornerani nuannaarutissiigamik, Anunimik piginnittoq Hanne Kristiansen Aasianni arnatsialanngortup Nanna Sandgreenip toqqarneqarneranut tunngavilersuutinik taakkartuivoq.
Toqqarneqartoq pisissutissamik 2.000 koruninik aningaasartalimmi tunineqarpoq taamatullu toqqaaneq kingulliugunanngitsoq pisiniarfiup ningiua unnerpoq.