Folketingimut qinersineq
Aajuku taasinerit amerlassusaasa inaarutaat
Naalagaaffiup Sinniisoqarfiata juunip 18-ni folketingimut qinersinermi taasinerit amerlassusaat inaarutaasumik saqqummiuppaat
Unnummi qinersiffiusumut sanilliullugu, Siumup folketingimut qinigassanngortitaa piviusumik 14-inik amerlanerusunik taaneqaraluarpoq. Aammalu Inuit Ataqatigiit qinigassanngortitaat, Aaja Chemnitz Larsen, taasisui ataatsimik amerleriarput.
Naalagaaffiup Sinniisoqarfiata juunip 18-ni folketingimut qinersinerup kingorna inaarutaasumik taasinerit amerlassusaat saqqummiummagit inernerit taama isikkoqarput.
Kinguneqartitsissanngitsoq
Taasinerit amerlassusiata takutippaa, Aleqa Hammond katillugu 3.759-inik taaneqarsimasoq, Aaja Chemnitz Larsen 2.541-nik taaneqartoq. Taamaattumillu taakku politikerit marluk Folketingimi suli issiapput, naak taasinerit amerlassuisiat minnerusumik illuartinneqaraluartoq.
Johan Lund Olseni Inuit Ataqatigiinneersoq taajuunneqarnerpaat pingajuuvoq, 2.339, parteeqataalu Múte Bourup Egede 2.131-inik taaneqarpoq, taamaalillunilu sisamaattut inissilluni.
Partiit taaguunneqarnerat
Partiit taaguunneqarnerannut aamma atatillugu annikitsunik iluarsiisoqarpoq, ataatsimulli isigalugu tulleriaarnerat allannguuteqanngilaq:
- Inuit Ataqatigiit: Taasinerit 7.914
- Siumut: Taasinerit 7.854
- Demokraatit: Taasinerit 1.852
- Atassut: Taasinerit 1.528
- Partii Naleraq: Taasinerit 1.058
Qinigassanngortitat taaguunneqarneri:
Qinersinermut 17-it qinigassanngortinneqarsimapput, imatullu taaguunneqarsimapput:
- Aleqa Hammond (Siumut) 3.759
- Aaja Chemnitz Larsen (Inuit Ataqatigiit) 2.541
- Johan Lund Olsen (Inuit Ataqatigiit) 2.339
- Múte Bourup Egede (Inuit Ataqatigiit) 2.131
- Jens-Erik Kirkegaard (Siumut) 1.467
- Erik Jensen (Siumut) 1.348
- Steen Lynge (Atassut) 1.314
- Per Pilutaq Rosing-Petersen (Partii Naleraq) 968
- Randi Vestergaard Evaldsen (Demokraatit) 929
- Martha Abelsen (Siumut) 602
- Pitsi Høegh (Siumut) 393
- Karo Thomsen Fleischer (Inuit Ataqatigiit) 349
- Poul Hansen (Demokraatit) 298
- Rasmus Dalsgaard Andersen (Demokraatit) 246
- Aputsiaq Olsen Jonathansen (Demokraatit) 144
- Jonas Nilsson (Atassut) 120
- Dan Rasmussen (Partii Naleraq) 50
Aamma atuaruk: Aaja Aleqalu Folketingimut ilaasortanngortut