Arctic Winter Games
Aajuku kalaallit medaaliannattut kingulliit
Kalaallit Nunaat marlunngornermi Arctic Winter Gamesimi angusarissaarpoq
Ippassaq marlunngornermi timersuutini assigiinngitsuni, kalaallit Arctic Winter Gamesimut peqataasut 18-ersuarnik medaaliannapput.
Kuultit arfinillit, sølvit arfinillit kiisalu bronzit arfinillit.
Atuaruk: Kalaallit kuultimik medaaliannattaavat siulleq pissarsiarineqarpoq
Arctic Sports
Arctic Sportsimi timersortartut marlunngornermi katillugu pingasunik medaaliannapput.
Tonny Fisker, kneel jumpimi kuultinnattoq medaaliannaqqippoq. Unammeriaatsimi 'two foot high kickimi' taanna bronzinnapppoq. Fiskeri 236,5 centimeterisut portutigusumik pissippoq, kuultinnattoq Nick Hanson Alaskameersoq 242,6 centimeterisut portutigisumik pissilluni.
Unammeriaatsimi 'one reach handimi' Bent Jakobsen bronzinnappoq.
Atuaruk: Jonas Strømsted kuultinnareerluni: 'Nuannaaqaanga'
Sisorarneq
Kalaallit Nunaat sisorarnermi timersuutinit 15-ersuarnik medaaliannappoq.
Snowboardimi Jonas Strømsted marloriarluni kuultinnappoq, sangusaarnermi aamma 'rail jamimi'.
Snowboardimi medaaliannattut sinneri makkuupput:
- Anthon Siegstad nukappiaqqanik nukarlerni sangusaarnermi sølvinnappoq
- Kununnguaq Davidsen nukappiaqqanik nukarlerni sangusaarnermi bronzinnappoq
- Kira Lennert Olsen niviarsiaqqani juniorini sangusaarnermi bronzinnappoq
- Bella Nielsen niviarsiaqqani nukarlerni sangusaarnermi sølvinnappoq
- Mathias Mark juniorini sangusaarnermi bronzinnappoq
- Mathias Mark juniorini rail jamimi sølvinnattoq
- Pipaluk Rasmussen niviarsiaqqani nukarlerni rail jamimi sølvinnappoq
- Anthon Siegstad nukappiaqqani nukarlerni rail jamimi kuultinnappoq
- Henrik Lund rail jamimi nukappiaqqani nukarlerni sølvinnappoq
- Kira Olsen niviarsiaqqani nukarlerni rail jamimi sølvinnappoq
Sisorarluni sangusaarnermi medaaliat:
- Qooqu Chemnitz Berthelsen nukappiaqqani nukarlerni sangusaarnermi kuultinnappoq
- Mathilde Juliane Lynge niviarsiaqqani nukarlerni sangusaarnermi bronzinnappoq
Biathlon:
- Ukaleq Slettemark kilometerinut tallimanut ataasiakkaarluni arpannermi kuultinnappoq
Atuaruk: AWG-medaaliat arfinillit najukkaminni snowboardertunit pissarsiarineqarput