Aaja Sarap tunuarnera pillugu: Inatsisartut ungdomsklubbiulissapput
Namminissarsiorluni uungaannarlu isigisunik avatangiineqarneq Sara Olsvigimut qasusoornarsimassasoq, Folketingimut ilaasortaq isumaqarpoq.
Inuit Ataqatigiit sinnerlugit Folketingumut ilaasortap Aaja Chemnitz Larsenip Sara Olsvigip naalakkersuinermik sulinerminit tununiarnermini tunngavilersuutai paasilluarsinnaavai. Nammineq Inatsisartunut ilaasortaanermini pisut kipiluttunartut misigai, AG allappoq.
- Nunatsinni naalakkersuinikkut pimoorussinani piviusorsiorsinanilu naalakkersuinikkut suliaqarneq pillugu Sarap oqaasii ilisarisinnaavakka. Innuttaasut aqagu qanoq pisoqassanersoq nalusarpaat. Tigussaasunik angusaqartoqarneq ajorpoq, Nalaakkersuisunullu ilaasortat ima nikerartigaat suut tamarmik allanngorarlutik ataqatigiissaarneqaratillu. Ajornartorsiutit piviusut aaqqinnissaat sammineqanngippallaaqaaq, ilaatigut meeqqat atuarfianut tunngasut, Aaja Chemnitz Larsen oqarpoq.
Pissusilersornerluttut tupannarai
Sara Olsvig oqarpoq Inatsisartut angutit eqqarsartaasiannit sunnigaavallaarsimasut. Tamanna qaoq isumaqarfigaajuk?
- Eqqaasara siulleq tassaavoq ungdomsklubbimut eqqaanarnerusoq. Inersimasuugaluarput, namminerli kinaassutsiminnik ima tiguartissimatigaat nunamut pitsaasunik iliuuseqarusunnatik. Aamma tupassimaqaanga piffissami sivikitsumi Inatsisartunut uterama; torsuusani suaartartoqarpoq, Aaja Chemnitz Larsen akivoq.
Allaaserineqartoq aviisimi AG-mi, aqagu pingasunngornermi saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: