Erfalasup amusarnissaa

Aaja: Løkkep erfalasulerniartalernera politikkimik takutitsineruvoq

Ministeriunerup ullunut erfalasulertarfinnut taarsiullugu pissutsit pingaaruteqarnerusut sammisariaqaraluarpai, Inuit Ataqatigiit sinnerlugut folketingimut ilaasortaq isumaqarpoq

Aaja Chemintz Larsen, IA
Inuit Ataqatigiit sinnerlugut Folketingimut ilaasortaq Aaja Chemnitz Larsen

Savalimmiormiut kalaallillu inuiattut ullorsiorneranni inuiaat erfalasuisa amuneqartalernissaat ministeriunerup isumaliutigilerpaa.

Alarpassuarnilli pinguaarnerutitassaqarpoq. Dr.dk naapertorlugu taamatut isumaqarpoq Folketingimut ilaasortaq Aaja Chemnitz Larsen (IA),

– Aallaavittut isumassarsiaq pitsaaqaaq, immaqali takussutitsiniarnerinnaalluni. Kissaatiginartinnerugaluarpara ministeriunerup suut allat, uagutsinnut Kalaallit Nunaannaarmiunut pingaaruteqarnerusut aamma samminiassagai, taanna dr.dk-mut oqarpoq.

Tulleriiaarineq pitsaanerusoq

Taassuma ilaatigut taavai Thule Air Base, uranimut isumaqatigiissut aammalu sipaarniuteqarneq pissutigalugugu Eskilologimik ilisimatusarfimmut ilinniartunik tigusisarnerup matuneqarnera.

– Takussutissiorluni politikkersornermiit piviusumik politikkersulernissaq pisariaqartinneqarpoq, isumaqarpungalu ministeriunerup tamanna paasisariaqaraa. Suliniutinik amerlanerusunik allanik takusaqarsimanngilanga, taamaattumik tupinnarpoq ministeriunerup tamanna pingaarnerutitassamisut saqqummiuteqqaarmagu.

– Kalaallit Nunaata kissaataasa pingaarnerutinneqarnerulernissaat, tamakkualu pillugit oqaloqatigiinnerusalernissaq amigaatigaara, taanna dr.dk-mut oqarpoq.

Powered by Labrador CMS