Qaqortoq
31-nik ukiulik ujaarineqartoq toqungasoq nassaarineqartoq
Aksel Jensen marlunngormalli ujaarineqalersoq nassaarineqarpoq
Annonse
Qaqortumi Politiit 31-nik ukiulik Aksel Jensen, sapaatip-akunnerani kingullermi tallimanngornermi unnuakkut imerniartarfimmit Arctic Cafémit animmat kingullermik takuneqartoq, marlunngornermi novembarip 3-ani ujaarilerpaat.
Maqaasineqartoq ujaasinermut atatillugu tallimanngornermi ullup-qeqqata siornatigut ikuallaaviup tunuani toqungasoq nassaarineqarpoq.
Politiit maannamut qanoq pisoqarsimaneranik qanimut nalunaaruteqanngillat. Danmarkimit toqusut timaannik misissuisartumik aggersaasoqarpoq.