31. august iluanaassanerpit?

Akileraartarnermut Aqutsisoqarfik 2017-imi akileraartartut utertooruteqartussat suliarileruttorpaat.

Ulloq 31. august inuit ilaannut ulloq immikkuullarissuusinnaavoq, ullormi taanna konto immikkut immerneqaratarsinnavoq. Ullormi taanna meeqqat tapii akileraarutitigullu utertoorutissat ikineqartussaapput. Ilaallu qaavatigut akissarsisussaallutik.

Ukioq kingulleq inunnut 22.390-inut akileraarutinut akileraarpallaarsimasunut 112,5 millioner koruunit utertinneqarput. Utertoorutisaangaluartunit 46 millioner koruunit pisortanut akiitsunut ilanngaatigineqarsimapput.

21. augustimi paasissutissiineq

Ukioq manna aningaasat qanoq amerlatigissanersut Akileraartarnermut Aqutsisoqarfimmit ulloq 21. august aatsaat oqaatigerusunneqarpoq. Ulloq taanna innuttaasut Akileraartarnermut Aqutsisoqarfimmut akiitsoqarnersut utertuungassaqarnersulluunniit paasitinneqassapput.

Ukioq kingulleq akileraartartut 10.355-it 190,6 millioner koruuninik akiliuteqassapput. Siumoortumillu nalunaaruteqarnermut atatillugu 57,9 millioner koruunit ilanngaatigineqartussatut naatsorsorneqarput.

Neqerooruteqarneq

Pisiniarfiit meeqqat tapiinik utertoorutinillu iluaraaruteqarniarlutik ileqqoq malillugu amerlasuunik neqerooruteqassapput.

Utertooruteqariataarsinnaanerlu eqqarsaatigalugu neriniartarfimmut innimiisoqariissanerpa? Ullormi 31. august tallimanngornerususaavoq.

Powered by Labrador CMS